| 4 | ЯКСТЕРЕ ТЕШТЕ. | № |
| Озафтниде чувт. |
| (Федор велесэ Стерлит. к. АБССР.) |
Инечистэ комсомолецтнэ ды ВИК-со роботыцятне тейсть суботник чувтань озафнима. Весе роботасть.
Молодецт. Паро тев тейтядо.
Федор велинь од церат—тейтирьт ванодо комсомолтнэнь лангс и тыньгак кадынк дурацкой ульцянк, кундадо превс.
Мишин.
| Эрзень пасиба. |
Ашо ведень велень од цератне ефтыть покш пасиба эрзень цератненень, конат роботыть Московсо эрзень газетсонть особенно Чесноков марто Васильев ялгатнень пьескаст кисэ „А мон кедензэ палцинь“. Анцяк сон эзь кенерть 1 Маентень. Сонзо эряволь налксемс инечинь чистэ, а од церантне мерсть налксемс эряви троицясто. Налксесынек школасо.
Пьескась атетнень мельс тусь. Кода ловнось эйсонзо секретарь ялгась. Весе атятне, бабатне пурнавкшность кунцоломо, кавтошка раз ловновтызь.
Ловномадо мейле ве атясь и мери — „Косто сынь содасть, прок минек велесэ ульнесть“. Сынь секс кортыть истя, што Ашо ведень велисэ инечинь чистэ попось якась молебен марто и пек ульнесь иритстэ.
Евангилиязо-як а ловнови. Кадямо карми, кадиланть столь бокас грохаи. Пазавань кантлиця кадиланть нельгизе кецтонзо, „Тон бочка аесе кадиланть поркснисак“.
Ашо ведень эрзя.
| А. Г. Разуткин. |
Ламбаськи велисэ, Лукояновского уез. эри эрзень атя Андрей Григор. Разуткин. Те атесь Ламбаскисэ пурны эрзетнинь ды ловны тенст рузонь газет. Энялдома сонензэ, чтобо сон истя жо ловноволь эрзень газет. Эряволь бу сонзо аравтомс библиотекарекс Ламбаскисэ.
Пакарь.
| Салдатув туить. |
(Кузат веле Сызранского у., Ульяновской губ.) 1 майстэ провожинек некрутонок салдатов. Сельсоветэнь ваксто некрутнэ сыргасть якстере флаг марто. Тесэ жо ульнест 1903 иень допризывникне. Провожесть некрутнэ эйсы робочейть, эйкакшт, школьник, веси провожест. Станциясо тейсть митинг. Некрутнэ тусть моро марто.
И. Еремеев.
| Вешнитям эрзят! |
Сергачинь уездсо, Нижегородской губ. юмасть колмонь кеминь кавксу тыща эрзят. Кияк эйстыст а соды. Приметает: рускс а маштыть кортамо ярцыть чапамо ловцодо, школаст арасть, эрзень газет эсть неи.
Ки мусынзе не эрзетнинь, — кадык пачти тень кувалт вана кодамо адресэнь кувалт: Москва, Стретенка 6, Центр. Мордовское бюро“. Тосо авардить, што кодаяк амуивить сынест эрзетни.
Нижегородской ялгат! Тыненк седе маласо, вешнинк Сергачинь эрзетнинь, „Якстере Теште“ тыненк чувтонь медаль максы муимань кис.
Сяв.
| Сёрмань парго |
С. И. Ивановнень. Ули охотат тонавтнеме — сермат заявления тень кувалт Саратовской Губоно, Нацмен.
Ульяновск И. Катаевнинь.
Те газетсэнть ули об‘явления эрзень кинигатнеде. Питнист сермадозь.
Сибирев. ТУло велень эрзетненень.
Тынк кис выписал газет тынк велинь руз М. А. Новиков. Ней тынь, ялгат, тынць выпишыте эстенк газет, да кармавтодо Сибиринь эрзетнинь сермадстомо газет лангс.
| „Вейсы вий“. |
Кармаскалы велесэ (Стерлит. кантон Б. С. С. Р.) тейсть эрзень сермадыцянь кружок (куракш), конань лемдизь „Вейсы вий“ Кружокось уш кучсь редакцияв статьят, конань курук печатасынек.
Паро тев ушудсть ялгатни.
Кие эще?
Редакциясь карми лездэме.
„Якстере Теште“
| Ават, сермадстодо эстенк „Якстере Теште“. |
| Тундонь чи. |
| (Васильевка, Бугульминску уезда) |
Эрзень букваринть „Тундонь чи“ эрзень эйкакшнэ ловныть пек охотнасто, парсти чарькодиве тест секс, что сермадозь родной кельцэ. Анцяк букваринтинь эряволь поладомс: ёвкст пословицат, морот ламине сермадомаль эйсынзэ. Кучудо миненик букварть.
Касимов.
| Учотам паро сюронь чачома. |
| (Старо-Захаркинской вол. Петровск. у.) |
Сась тундо ловось солась. Миинк волостьсы сокицятне лисьть сокамо видиме, 20 апрельстэ улнись пара пизиме, захватизе кругом 20 вальгий пе. Оземтнень шлинзе парсте, весе пижилгацть, 24 чистоньть апрельстэ ульнись таго паро пизиме Петровской уздасто захватесь колмо или больше волость. Озементь коренозо неяве пек вадря. Приметатнинь кувалт те годось ули сюрунь чачума.
П. Кочетов.
| Кавто киява. |
Ицял велисэ Лукоянов. у. 1 мая налксесть „Кавто Киява“ Пьесась ютась енсто. Тень кис Лукояновонь Эрзень бюро кучни покш благодарность Батаев ялганень, кона ушодызе те тевинть. Истя жо мери пасиба веси эрзя и руз ялгатнинень, конат налксесть те спектакльсо.
| Члены бюро. Горбунов. И. Земков. |
| Ленинградсо эрзят. |
Ленинградонь эрзень студентнэ тейсть культросветэнь куракш. Те куракшось стараи пурнамс Ленинградонь эрзетнинь. Тонавтыть эрзень койтнинь. Выписывают газет «Якстере Теште», «Якстере Сокиця» ды «Од веле».
Тимо.
| Эрзень букваренть кис. |
Мон думан эрзень букварентинь эряви тейме истямо добавкат. Седе ламо эйкакшонь побаскат ды морот, картинкатнинь, конань — конань лият. Евкснэнь сермадомс — мушко сакал атининь кондямо, сон пек эйкакшнынь мелезэст тусь.
Добавамс эряви аламне революциень статьят.
Филатов.
| Манашка чачтась. |
| (Кузьминка веле, Ташко-Федоровск. вол. Башресп.) |
Федянь Дригань манашка чачтась.
Эйкакшонть кандызе церьковав лемдиме.
Попавась неизе ды чийсь церьковав.
Кундызе манашканть пря-кедти ды ранги:
— «Евтак, сука, кинь пельде чачтыть?»
Манашкась: — «Попонть пельде..»
Попавась кода кундызе попонть прячерде:
— «Кинь пакша лемдят?»
Попось: — «Кашт мольть, дура, эсинь пакша, лемдян».
Мокшотни евтнизь.
Мишин.
| Какин веле. |
| (Нижгор. губер.) |
Велесэнть ули библиотека, кона ланкс эряволь бу варштамс парсте, телень перть сон эзь робота, нейгак роботы пек беренстэ. Роботамось как пек паро тосо. Народось од, ен, кинигат улить эрьва кодат. Библиотекаренть можна кармавтомс роботамо, ды тееме истя, штобо сон содаволь кодамояк ве робота, ато сон тыргади и тей и тов ковгак парсте а кенери. Истя роботамс а моли.
Сонзэ кувалт сельскохозяиств. товариществась маштовсь, истя аламонь шкань ютазь библиотекань тевесь как калады.
Лия велева, косо улить ловнома кудот, тейнить спектаклят общественной ловномат а Какинасо мезеяк арась.
Какинэнь комунист ялгат! Те кинь тевесь?
Галек.
| Издатель: Центр. Издательст. Народов СССР. |
| Ответственный редактор: |
| Т. Васильев. |
| Сёрмадыцетнинень. |
Сермадодо коневонть ве бокасто, коневонь омбоце бокась должен кадовомс ванькс, апак сермат. Истя седе вадря статейканть печатамс типографиясо.
РЕДАКЦИЯ.
| Кунцолодо эрзят! |
Кие эстензэ сермадсты (выпишет) газет „Якстере Теште“, ярмакне эрявить кучумс истямо адресэнь кувалт:
Москва, Никольская 10. Главная контора Центрального Издательства Народов С. С. С. Р.
| Делегатнэнень, конат сыть XIII партиянь с‘ездов (промксов). |
Эрзя ялгат, совадо Центральной Издательствав, тесэ получатадо стяко эсинк кельцэ книгат.
Андресэсь истямо: Главная контора Центрального Издательства Народов С.С.С.Р., Никольская 10, во дворе.
Эрьва чине валске 9 часто и обедтэ мекес 3 часос.
| ||||||||||||||||||
|
| Главлит № 20.010. Москва. | Типография «Красный Восток» Никольская, № 10. | Тираж 1000. |
