|
Вейке номеронть питнезэ 4 к. | |||||||||||||||||||||||||||||
 Еженедельный орган мордовской секции при Ц. К. Р. К П. (б.) |
|
| ||||||||||||||||||||||||||||
| № 15. | 27 мая 1924 г. | № 15. |
| XIII Комунистэнь Партиень пуромкс. |
| Эряви теимс Ленин лацо. |
Ленинынь куломадо мейле первой коммунистэнь пуромкс. Васня Ленин тонавць эйсынек, кода эряви эрямо чинть ладямс. Сонзо веси кунцолость. Ней партиесь кадовсь Ленинтыме. Веси коммунистнэ вейцэ кармить теиме Ленинынь валонзо лацо. Ленин невтезе робочейнень ды крестьяннэнь кинть. Те партиень пуромксось карми кортамо, чтобо Ленинынь кинть эйсты лия енов а туимс. Партиясонть те тельня пек споресть — кода эряви роботамс. Ленинынь куломадо мейле веси коммунистнэ лоткасть спорямо эсь ютковаст. Эрьва коммунист ней арси, кода бу теимс Ленинынь валонзо лацо. Те пуромксось мере, что Ленинынь тевинть карматам теиме.
| Робочей ды сокиця ломатнинень вейцы дружнасто эряма. |
Куломадо икеле, Ленин ламо кортась, кода бу робочей ды сокиця ломатне дружнасто эрявольть. Истя ней коммунистнэ арсить дешовалгавтомс городонь таварунть, чтобо сокиценинь уливель а стака рамамс. Эряви витимс велинь хозяйствась. Эряви, чтобо эрьва рабочей ды крестьян ломань содавлинзе Ленинынь валонзо. Куломадонзо икеле, Ленин кортась кода бу киртямс правительстванть. Седе аламо начальникть, — седе ламо ули толк. Советэнь учреждениясо эряви толком кортамс робочей ды крестьян марто. Эряви парстине ваномс, чтобо эрьва кодамо комиссартнэ пряст верев иляст кант, чтобо сынь уливельть доступнойть народонтннь.
| Кооператив аровтома велива. |
Ленин, куламадо икеле, мерць тейме эрьва кува кооператив. Кооперативне ней улить городга. Коммунистэнь пуромксось карми кортамо, кода бу кооперативенть аравтомс парстине велива. Велисэ ней торгови лавочник. Дурак ули лавочникись, коли карми торговами барыштиме. Истя велива лавочникесь ватки велинь эрицетнень пря кединть. Велинтень эряви тейме сонцинзы кооперативонь лавка. Ве копийкаяк илязо мольть лавочникень зепс, весе кадык моли общественной тевс. Кооперативесь карми аволь анцяк торговамо, сон теи мельнецят, заводи машинат, теи маслинат. Кооперативенть велисэ тевезэ пек ламо.
| Сюпавт ды беднойть. |
Велива ламо эрить алашавтомо, скотинавтомо. Хозяйстваст берень. Ярцамс лиясто, истямо эрицетнинень, а мези. Бедноись сивиди сюпавнинь роботникекс. Бедноись роботы сюпав лангс. Ськамонзо бедноинтень колияк хозяйствазо пильге лангс а стявтови. —
Коммунистэнь пуромксось карми кортамо, кода бу теимс бедной эриця юткова коллектив (вейцы эрямо). Знярояк бедной семеят маштыть теимс вейки ды парыне хозяйства. Анцяк коллективсэ — бедноись а максы прянзо обижамс сюпавонтень. —
Вана не тевтнинь кувалт коммунистэнь пуромксось седе ламо карми кортамо.
Арситям чумбра чи XIII коммунистэнь пуромксонтень.
Т. Васильев.
| Тонафнемань kувалт. |
Эрзя вечно ульнесь угнетениясо. Эрзянень ташто капиталистэнь пингесь эзь макст оля тонафтнема. Эрзянь эйкакш (жаба) тонафтнесь только ловномо ды сермадомо (ды ито аволь веси), а наука сон асодыль. Высшей Школа ульнесь капиталистэнь кедьцэ. Высшей школасо тонафтнесь буржуень церат и тейтерть, а эрзянь ломань эзь нейне и университетэнь кенкш удалкс.
Секс эрзя-мокша ютксо пек а ламо инженерт, докторт, агрономт, политический работникт и лия ученой ломать.
Мендяк эщо марявсть истямо валт: „Эрзянь прявесь вишкане, секс сон аволь инжинер или доктор“.
Эрзя секс аволь доктор, што сонензо ташто капиталист эзь макст тонафтнема оля.
Советэнь правительствась максызе те олянть. Минь ней нейдянок, кода эрзянь церат (тейтерть эщо арасть) кармасть тонафтнемэ, — тонафтнеть Совпартшколасо, рабфаксо и лия школасо
Но тевесь берянстэ аште начальной школань кувалт.
Эрзянь начальной школасо тонафтыцятне рузонь учительть. Эйкакштнэ а чаркодеть рузонь кель, а учитель а чаркоде эрзянь кель, — и сынь вейкест вейкист ачаркодеть. А ведь каждый содасы, тонафтнемась сестэ вадря, кода учитель и эйкакш чаркодить вейкест вейкест.
Кода лисемс истямо положениясто?
Лисемс можна.
Каждой рабфаковецнэнь и совпартшколецнэнь эряве думамс, косо сон больше польза максэ роботасо: эрзя ютксо или же рузонь ютксо. Можна меремс, што эрзя ютксо больше максэ.
Культурань кувалт эрзя кадовсь руздо удалов. Минянек эряве сынст сасамс. Сасамс можна только сестэ, кода улеме карме вадрясто путозь народной образования эрзя ютксо. Образованиясь вадря уле сестэ, кода учительтне улеме кармить эрзя ломать.
Вот мейс мон и мерян, чтобы каждый эрзя — рабфаковец или еще ки—либо тонафтниця думавлизе те тевенть да молевель Педагогической школас.
И. Катаев.
| Од церат, сермадстодо эстенк „Якстере Теште“ |
| Кавто—колмо валт эрзянь автономиядо. |
Ламо ломать кевкснить, мекс арась эрзянь автономия. Те тевденть аволь уш весть ульнесь сермадозь ды аволь весть ощо сави тень кувалт сермадомс.
Тевесь покш — кавто валцо а евтави. Улить ломать, конатне чумондыть центральной роботникнень. Улить истят, конатне мереть, что эрзенень а эряви автономия. Улить кортыцят, что эрзетне пек сралесть и апурнавить ве таркас. Ламо эрьва кодат превть—валт. Кода жо ащи тевесь? Эрзетнеде весимезэ кавтошка миллионт ломать, но сынь эрить аволь ве таркасо. Ламо эйстэст Равунь (Волгань) тамбале ды Сибирцэ. Эрить Нижгородской губерниясо (Лукояновской ды Сергачской уездга), Пензенской губерниясо (Спасской. Темниковской, Краснослободской, Инсарской, Саранской ды Городищенской уездга), Симбирской губерниясо (Алатырской ды Ардатовской и аламонь—аламонь лия уездга) Саратовской губерниясо (Петровской, Кузнецкой, Хвалынской ды Вольской уездга), Самарской губерниясо (Бугурусланской, Бузулукской, Мелекесской и лия уездга), Татреспубликасо, Башреспубликасо. Вана не таркатне эзга эрить сех ламо эрзят. Ютковаст ламо руст, татарт. Кой кува руснэде седе ламо. Коть не уезднэ эйсы човор эрить эрьва кодат нацият, но сынст можна совавтомс эрзень автономияс. Автономиянь теемстэ эряви думамс аволь анцяк национальной тевде, но сех пек хозяйственной тевде. Кода жо ней думамс? Можна ли теемс эрзень автономия и эряви ли сон? Мон истя арсян, что можна, но эряви ли сон — теде эряви аволь вейкенень кортамс. Эрзень работникненень и веси эрзенень эряви тень кувалт парсте думамс. Минь, эрзень работникть, мольтям аволь ве киява те тевсэнть. Улить истят, конатне мереть, что эрзя ютксо кодамояк робота а эряви. Истят ламо. Аволь умок вана Лукояновской уездсто сермаць Горбунов ялгась, что стака работамс — а лездыть а рузунь коммунист а эрзень. Вана мекс мон мерян, что автономиянь теимась стака.
Лукояновской ялгатне марто автономия а теят.
Д. Желтов.
| Лия масторга. |
| Кортыть Япония марто. |
Пекинсэ (Китаень столиця) Япония марто минек представителенок Карахан ялгась, корты Япононь марто.
Кортыть кода бу тейме мирной эрямо ды торговамо тев.
Япононь газетсэ сермадыть, што не кортамотне покш лезэ теить. Эряви седе курок мирямс Советэнь марто.
| франция. |
Одс пурназь главной министеркс Эррио карты истяжо, кода картас Пуанкаре.
Од министрысь арси истяжо (ташто министр лацо) ваткамс седе ламо налог робочей ды крестьян ломатни лангсто.
Газетсэ сермадыть, што Франциень ярмакне таго кармить курук дешевалгадомо.
Эррио а капшы тееме соглашения Советэнь марто.
Минь а учутан пельдест паро.
| Рур (Германиясо). |
| Пансть роботасто цела миллион рабочей. |
Уголиянь таргиця робочейтнень забастовкась моли нейгак.
Лиява роботыця робочейтне лездыть ялгаст туртов.
Фабрикантнэ панить робочейтне эйсэ фабриксто.
