| 4 | ЯКСТЕРЕ ТЕШТЕ. | № 12 |
| МЕСТЬ СЕРМАДЫТЬ ВЕЛЕСТЭ |
| Самарской губернява. |
| Месть кортыть попони церьковасо. |
Недлечистэ 16 марта мон ульнинь церьковасо Каменкань велисэ Белебейского уезда, Уфимской губ. Служба ютксто попось лиссь амвон лангс и кармась кортамо тест: „Дорогой братт и сестрат. Эрямотне кармасть пек берять. Сакшныть писаниянь валтнэ, конат мерить, что сы истямо шка, кода а кармить озномо пазнынь, кармить пейдеме светой пазаватне ды пазонь икеле служицятнень лангсу. Вана сась истяму шкась. Сат церьковас ды ванат, что ней озныцятне эйстэ церьковасонть, совсем аламо икелень коряс. Церьковась киненьгак аэряви. Пазаванок весе таштомость, а одонь рамамс а мезе лангс. Церьковас кияк мезеяк а максы. Государствась теник мезияк а лезды церькованть пельдо веши налог. Вана ней не читнень минек церьковантень сась пандомс 80 руб. золотасо. Чтобу пандомс сынст, эряви пурнамс теник 150 пондо сюро. Те сюронть минь мисынек и панцинек. Миник прихоцонть 400 кудот, Эрьва кудосонть эряви анцяк 15 фунт. А коли а панцынек ярмакнень, церькованть пекстасызь и мон туян лия церькував. Сестэ тынек а косо ули пазнынь озномс и а косо ули пазонь вал марямс.
Истя, дорогой братт и сестрат. Илинк стувт пазонь валтнэнь, максодо сюро церьковас, илинк пекставт церькованк. Пурнык те сюронть седе курок“.
Каменской эрзят, парсте корты попонк, седеяк парсте думи пурнамс ярмакнень, конатнень пурны сон тынк пельде служамонь ды венчамонь кис. А брезгуви сон сюродонть, конань пурны кецтэнк эрьва праздникстэ. Повнинка се чинть, кода сон первой сась Каминикав. Кодамо паро-чи сон канць мартондо. Мезизе ульнись. Ванудо, мезизэ ули ней. Тынь эрьва чине якатадо сонендэ, песэнк, кода сон роскошнойстэ эри ней. Дубувась нили потявтумо скалт ды алша. Кирди роботник ды стряпка. Кинь вийсэ сон истя сюпалгаць кинь ярмак лангс раминде неть скалтнэнь?
Каменской эрзят. Лоткадо кандомо те покш пекинтень. Варштадо, кода куялгаць попадиесь. Сон ашти тынк сявдикс лангсо. Илядо кая больше тендэ сюро. Те налогось сась пандомс аволь церьковантень, а попонтень ськамонзо. 150 пондо сюронть пурнынк и лангозост рамадо кинигат ды сермацтудо эрзянь газета „Якстере Теште“, кона совет максы седе ен попонь коряс. Те гезетасонть нейсынк, кода эряви видимс сюро, марятадо сякой полезной совет сюронь видимадо.
Эрзянь учитель.
| Клюёчвкань* коряс. |
(Бугурусланск. уезда, Самарск. губ. Ст. Аверкинской вол.)
Минек веленок покш, эйсэнзэ 710 кудо. Попонок кавто, как сыре айгорт. Ули диакон, авуль умок сиведть псаломщик. Кувака чертне занясть колмо велень кудот, пуромкс кудонок арась. Эрьва годнэ пантанок пуромкс кудонь кис бО пондо сюро, а кемень ломать потмосонзо силой а эциветь. Народной кудонок тожо арась. Од ялгатне кортнить: „Дайте ве кудонть хоть сайсынек велес“, но атятнинь кодаяк а кортасыть. Атянок пек охотнасто только самогонкас молить. А велень председателесь икелейгак невти ки тенст. Каинек, каинек сюро велень тевс, а ков молць, кияк а соды. Председателесь а евты, ков молць сюрось? Уполномоченноенок модань тевень кувалт якиця велистэ, сеяк эзь получа зернаяк якамонь кис. А кой кить басить, что председателесь яки лавкав тейтерь марто кутмордазь. А конат-конат кортнить, что велень сюро маро утом панжумаськак тейтерень кеце эрци. Ней хоть тейтеренть кевкстик, ков молйть велень сюротне.
Эрзя.
| Попонь кудос — школа. |
Секретарка Бугурусланского уезда, Самарской губ.-велись покш: колмо сядошка кардаз эйсондо; ули церкова, школа, коммунистынь ячейка ды комсомол. Велисы ули ловнома кудо (читальня) козый пурнакшныть яла эрьва чокшне од ломатне газетань ловномо, а ки аммашты ловномо — кунцолымо. Цератне якить, а аватне — а якить. Секс эрзень аватне мезияк а содыть; сынь сынць козыйгак а якить ды содамонть мельга а панить. Сексня кармасть школа панджумо, а школань кудось те шкани палць. Од ломатне саизь ды попнть кудостонзо панизь и тосо тейсть школа. Ней собраниятгак тосо тейнить. Аламонь-аламонь кармасть народонь пряпотмотне пешкедеме: курок мабуть театра як теить.
В. Платонов.
| Берянь тевть. |
| (Лунгинской волости, Ардат. уезда, Симбирской губ.). |
Председателень Лунгань волостенть перевели Атяж велень волостес. Пока ульнесь председателькс А. Милаев, Лунгинской волостьсэ кругом ульнесь тиха, смирна, а кода сонзэ перевели, весе кармасть самогонь пидиме. Аволь умок, мастясто, ульнесь Лувнесэ спектакля. Милиционер Куликов ульнесь пек иридезь и ваныцятнеде ламо чавсь, сонць удось школасо омбоце чис, яла ванць порядка мельга. Остатка мастень чистэ сельсоветэнь члентнэ тюргацть, зепстэст невтнесть бутылкат самогон марто.
Виськс Лувнэ эрзятненень. Кабу якстере волостесь раужокс аволь велявт.
Эрзя.
| Комсомолецт—поминщикт. |
(Иваньбие веле, Лукояновск. уез. Нижегор. губ.)
Минек велинь учителенть тейтирнезэ- (эйкакшозо) кувать сэрець и 17 марта кулось. Калмамонзо мейле учителень знакомой эрзя аватне састь поминкав. Эрзяаватнень башка састь поминамо кавто сомолецт: ячейкань секретарь Лефин ды член Эрямкин. Поминасть парсте, кода мереть, „кавто щекава“.
Виськс, ялгат, тыненк, ведь тынь сомолецт, а теиде хуже глупой авадо.
Жиниан.
| Аль-велень тевть. |
| (Напольное, Алтырского уезда Симбирской губ.). |
Те велистэ сермадыть, что велинтень лиснесь вирь сэдинь витнимс Те вирсь понгсь велень кулакнень и сонць велесь виринть пулонзояк эзизе ней. Мерить, что кулактнэнень виренть максомсто пек посубасть самогонка, прякинеть ды ройнеть.
Алкукс ли истя ульнесь тевись, ки ульнесь прякинень вечкицясь, самогонкань симицясь? Сермадодо те тевтнеде, содыцят. Коли тевись алкукс ащи истя, то минь серматтанок прокурорнэнь.
Эрзя.
| Саратовской губернява. |
| Арась учильняст. |
| (Пос. Ермолаевка, Петровск. уезда, Саратовской губ.). |
Колмо годт уж ютасть, кода озасть од паксяс эрзят государственной мода лангс. Велисэнть 45 кудот, а учильняст знярц арась. Эйкакшуст омбоце год чийнить тевтеме, апак тонавт, а тетяст а думитькак ковгак молемс хлопочамо школанть кувалт, анцяк думить, косто бу симемс самогондо. А ведь государства максь тенст льгота, колмо год а пандумс сельско-хоз. налог.
Монь койсэ виськс бу атятненень сюпав чисост кадомс эйкакшест апак тонавт. Учильня тенст а тееви.
Велень эрзя.
| Берень тетень-авань пример. |
Великой постоньть эисты Ташта Дема велиса кармась попось ознома. Учильняв якиця лакшетне кадызь тонафнимаст и кармасть, попоньть марто, ознома. Учитились Иванкин ялгась не хотел нолдамс сынст церьковав, но тетяст ды-аваст всетаки кучизь ознома. Виськс бу улималь тетяст-аваст туртув, кадуфтызь эйкакшуст тонафнимада.
Неиця.
| Ташто Дема велисэ. |
18 чистэ март месецтэ ульнись митинг ловнома кудосонть, косо ульнисть кортыцят, конат ефнизь, мезе означает те чись и мейс те чинть праздновасызь. Эрьва кортыцядо мейле струнный оркестр морась „Интернационал“. Те митинганти ульнись ефнезь эрьва кудос, а ломатне пек аламо ульнисть даже политпросветительной организациень члентнэ эсть моли пеледест ламу, конанень виськс бу улималь. Ульнисть вишка церынеть, а тейтирть арасилть вейкияк. Миник велисэ аватне мезияк а бажить содамс эсь праваст, а яла кортыт, что сынь должны мирдист туртув сюконякшномс, хотя можот эрьва чине мирдизэ эйсынзэ скотина лацо чави. Не аватне истяжо тейтиристкак превс путыть. Сермас тонавтниме а нолдыть, а кона и моливель бу ловнома кудов, то авазуяк тетязуяк мурнисызь. — Ков* молят се верченой кудунти, тосо превс а тонавтадызь“.
Церынетнень аволь аламо чавсть ловнома кудов якамонь кись. 7 иеть моли уж революциень койть, а минек велисэ яла анцяк кирдить попонь кедь, а сынцист эйкакшост туртов паро а арцить. Эрявуль бу кодаяк еще истят содыця ломать, конат могли бу кортамс не чопода ломатьнинень и путумс паро превс. Сынцист велень ломань.
| Пензенской губернява. |
| Тона чисэ паро ули. |
Микита атень кундызь ошов (городов!) молемстэ самагонка марто. Сонць натой машневтеме кармась эсь пачкандо.
— На вот! Лият секе тевь торговить и апонгить, а монь первой-гак кундымизь!
Ветизь сондэ уголрозыскс, кевкснизь и озавтызь тюрьмас.
— Осподи боже мой! Козой понгинь, моньцинь паром кис — мери Микитатя.
— Правдой нать паз мерць монень те чисэ срадоямс и тюрьмасо аштемс, зато тона чисэ паро ули тень! — ознось и кортась сон тюрмасо.
Кавто-колмо чиде мейле нолдызь на поруки. Кода тейсть тензэ опись имущессва, нейть: анцяк каладо, качамо кудыне, севонень кудыкелькс марто, весе паро чизэ.
— Мекс, тон пек беднойстэ эрят? — кевкстизе следователь.
— Истя иаз мерсь тень эрямодо. — отвечи Микитатя.
— Церкував якат? — кевстизе таго следователь
— Вейкеяк служба, аменьстян — отвечась сон.
— А тон иля яка церкував, лучи кармат эрямо. — мерсь туемстэ следователь.
Народной судья судизе Микитатянь кавто месецс принудильтеной работас и мери тендэ: если* не доволенат, то можешь обжаловагь.„* Отвечась Микитатя: — „благодарю, доволен.“
Н. Б.
| Паро ки амуить. |
Вирь ало Тавласо тейсть клуб, козой пурнавкшныть ловномо 29 ломань. Од ломатьне охотнасто кармасть сакшномо. Анцяк ней эще аламо киниганок и превс путация ломаненек, но минь надеятано, што те кодаяк, кодаяк тевесь ладяви. Мирем-вейсы теньгак изнясыннек.
Атятне анцяк кежейстэ ваныть те тевенть ланкс. Сынст превест чуфтомсть попонь кемезь. Но ней ламо кармась фотямо, што попонь киява васов апачкодят. Эряви вешнемс лия ки. Те кись муезь. Сондэ невтизе Ленин. Роботазь, науканьть марто кормамс витеме хозяйстванок.
Н. Б.
Вирень Тавла, Саран. у. Пензен. губ.
| Красноармеец ялгат! |
Тынь велисэ весимеде тонавтозь ломать. Тынь содасынк совэтень праватнень. Коли нейтядо велисэ охальник комисар, самогононь копордыця председатель — сермадудо „Якстере Тештев“. Сермедудо, кодать улить порядкат и беспорядкат вэлисэнк. Выпипите* эстенк „Якстере Теште“, сонзо питнизэ а покш. Тень гис пасиба мертям тыненк, ды гостиниць кучтан.
„Якстере Теште“.
| Издатель: Центр. Восточное Издательство | |
| Ответственный редактор: Редакционная коллегия |
| Главлит № 20.007. Москва. | Типография «Красный Восток» Никольская, 10. | Тираж 1000. |
