| 4 | ЯКСТЕРЕ ТЕШТЕ. | № 8 |
| Попонь тейтирть покш училищасот. |
Ташто-Назвялиса ульнись учительница поп-ава Беляева — тявинза мольцть ков парсте. Попось роботась церкуваса, а козяйказа — училищаса. Мяльгаст ванума-лия учительть те вялисэнть арасильть, Уоно ней марясь, что сон поп-ава и сонза уволили. Се времанть тяйтиринза получасть командировкат (как учительницань тяйтерть) и нейгак тонафнить. Мария Беляева тонафтне Московска — педфакса, а Раиса Беляева — Саратовса — Ветеринарной институца.
Нельзя-ли теть-гак кучумс аваст мяльга.
Салмукс.
| Кельцэнть кортась, а тевенть эзизе тей. |
| (Ташто Дема веле, Петровск. у.) |
Коммунистонь Пронькинонь чачсь эйкакшозо и сон кармась кортамо советской крестинань кувалт и евтнись кодамо польза те кандэ.
Эзь юта чи, кода Пронькин ялгась эйкакшонзо лемдефтызе попонь кецтэ,
Виськс бу уливель, ялгай!
Эрзя.
| Пензенской губернясто. |
| Тынкесь миненек и минекесь миненек. |
Минек вилисэ, Вырялт Тавласо ули теезь “сельск—хозяйственной товарищества“. Ушодозь ульнись ютась тунда 1923 иестэ видьмень саимань кис. Конешна, видьмекс пинеме получинек и эськанок явшинек. Максынек эрьвейке пельде обязательства сексня пандомс.
А смустензэ те тевенть (сельско-хоз. товаришестванть) а весе чаркудизь. Хотя икелев моли ялгатне кавто или колмо а весть кортнесть и толкувасть парсте. А лиятне всетаки отвечасть или нувсезь или кортасть: максыть — сайть, те подай господи. Вот сынсть истя стявтык и икилев чаштык. Ну всетаки икилев моли ялгатнень ули охотаст и кемимаст икелев молемс. Сайсть арендас Уземуправлениясто мода ве иес — подай господи. А ней получинек серма Усельсоюзонь пельде, чтобу пандомс саезь ведьмекс ютась тунда пинеметне. Председатель ялгас ве пильгсэ (омбоце чувтонь) яки члентнэнь ланга, терди пуромксос. Конат-конат пуромсть. Месть жо сынь кортасть? А вот месть: косто сайдям ярмак, просто беда! А кода председателесь мери и толковасы, что те тевенть максызь судс, сестэ ве ялгась мери:
„Мон советстэ те серманть неия и ловныя ды анцяк эзия сайть, кедим сэреде.“ А мейле мезе тейсть? Просто орголест пуромксотнть эйстэ, кадувсть 6 или 7 ломать. Сетнень ютксояк оц совиция ялгат (ней примазь) седе пек икелев молицият, вейкесь партейной. Кой месть толкувасть мезе теемс и састь истямо тевинь пес: снярц а панцынек саень видмекс пинеметнень, а кармить минек кемеменек и а кармить тенек лездыме.
Н. Б.
| Самагонка марто боруцямо. |
Мезе теемс, чтобу аулть уль самагонкат? Минь пек ламо тюринек лихой враг марто, весе изнинек. Ней бу анцяк эрямс парсте и тейнемс паро эрямонь койть.
Мезе нейдянок кругомганок? Весемень сельмс эци злой враг, авуль анцяк простой ломанень, а и властентеньгак. Те злой врагость — самогонка.
Буто бороцить мартонзо, марясак косто-косто: сень кундызь, тонань застанизь. А мейле марят: се марто мирясть, а тонань уж а кундасызьгак. А кить кунцить? Конешна милиция, лиянь мезень тевь. Милиционернэнь ведь награда штрафунть эйстэ мактыть, ата, пожалуй, истяяк ули: штрафунть учик нярдо ули, а смогонщикенть пельде седе курок лезэ ули.
Монь койсэ эряволь бу истя теемс: самс ошсто властентень велис и теемс покш пуромкс, чтобу уливилть церат и ават (минек велисэ ават аякить пуромксов). Пуромксос бу невтемс, что пек покш тевись самогонкна марто тюримась. Пораль бу сестэ жо ефтнемс докторнэнь. Мейле кевкстемс симат самогонкадо эли а симат?
Те тевесь теемс бойкасто, весе велетнень эзга друг. Хотя бу теемс „месячник борьбы с самогоном“. Мейле кежейстэ кармамс ваномо весемень мельга, ата ведь весе ваныть сурунь пачк те страшной врагонть лангс.
Тавлань Эрзя Н. Б.
| Паметникень ушудума, |
21 чистэ февралень месецтэ минек волость, велесэ Кочкуровасо, Саранск, уез., Пензенск. губ. ушонть вачкамо паметник Ленин ялгантей. Гороцто сакшнось Укомсто эрзя ялга Поздяев. Кортась ламо Ленин ялганть кувалт, месть парот тейсь народонтень. Истя карми улиме минек эрзень волость се икеле паметник Ленин ялгантей. Анцяк пек мон жэлян, эсть тей волостень покшнэ (В. И. К.) народонь чопуда панимань тевть. Хотя бу ловнума кудот Ленин ялгань лемс.
Тавлань эрзя Н. Б.
| Нижегородской губернясто. |
| Весимень эйстэ пелить. |
Ох, чопода жо Мессинговкань эрзесь. Кода и аульмекс чоподакс? Эрить вирьсэ, тосто ковгак а лиснить, кияк тов а совси, арази только председателесь лиясто Атингеевасто сы и то пургине лацо. Седа икили истя сакшнылть анцяк земской начальникть. Председателесь эль сы, а уж тесэ весе Мессинговкань атетни ульця кунчкас пурнавсть. Телень якшамо лангсо шапкавтумо ащить. Пачкуди, кортамо мартост ушуды, а сынь анцяк и содыть — учить, кода бу тендэ мерьмекс ваша благородия. Вана истя и пели. Мессинговкань эрьзесь эрва мезде: паздо пели, чортто пели, председательде пели — аздан уж, мезди сон а пели. Поптояк пели: те тандавтни — райс а нолды. Сон уж вицтэ торгови сынст марто эли прибавадо монень жалованя — карман служамо, а прибаватад а карман. Ней вана и думсик, а прибавамс — райс а понгат, прибавамс — сюрот арасть:
Мон истя арсян: райс кадык сонць попось моли, кись сонендэ знакомой, а минь кодаяк тесэ мода лангсо карматам эрямо, можо кодамояк тесэ тейтям рай, ды сюроськак кадуви, ата од урожаесь ещо пек васуло. А председателенть икеле чапкавтомо ащемс тожсо аэряви. Коли сон пургинекс ранги, так можсна кирга париза аламодо потомдамс.
Гал.
| Кургост потомдамс эрявить. |
| (с. Кендя, Лукоян. у.) |
Минек уездсэ ламо велева народонть баламутить попнэ и сыре тейтерть-манашкат. Месть арасть кортыть чопуда народонтей, эрьва кода манчить народонть. Аумок нолдасть истямо куля, что советской власть курок акарми улеме, сонзэ таркас ары таго инязоро.
Монгак маринь теде — монень евтнизь эйкакшне школасо. Савсь кавто част об‘яснять тенст кить нолтнить истямо апаро кулят и мекс сынь истя кортыть.
Монь койсо эряволть бу не кенгелицятнень кургост потумдамс и озавтомс оймсеме.
Н. Ашутов.
| Эли сельсоветэсь а помоги, эли учителесь сонць а машты тевинь ветямо. |
Шандорова велисэ Лукояновской уез., Нижегород. губ. ули паро школа, но школань тевись моли а пек парсте; комнатасо якшамо, арасть а пенгть, а кодаткак учебникть. Учителесь руз, сыре ломань. Тонавтнимськак, можна думаясмс, моли береньстэ. Ученикне веси козыть.
Аздан уж месть и думаямкс: эли сельсоветэсь а помоги школантень, эли сонць учителесь сельсоветнэ а тейни кодамояк лезэ. Мон яла думаян, что сонць учителесь а машты, кода эряви тевень ладямс ды, пожалуй, тевись истя и ащи. Ведь парсте тевинь ладямс эрзетни марто, эряви чтобу сонць учителесь уливиль эрзя, чтобу сон чаркудивиль чопода, бедной эрзень эрямонть, чтобу содавуль сонде радустиндэ и горянду. Невтемс мужикнень, что школась сонендэ пек эряве. Сестэ школасонть аволь уль якшамо и тевись парсте молевильбу.
Гал.
| Самарской губернясто. |
| Печальной промкс. |
Кода миненек пачкоць Якстере Тештесь, косо ульнесь сермадозь весе Ленин ялганть кулома и эрямочинзэ кувалт, мон, ловныне сонзэ кудосо. Весе минек семиянть сельведене эсть кирдев. Монь мелен ульнесь седе курок те печальной газетэнть ловномс промкссо. Молинь председателенте обечкава имеринь теемадо промкс.
Чекшне енов пурнавсь промксось. Мон саинь зепезэн лампине и туинь промксов. Кода совинь промкс кудонте, атетьне кармасть кевкснемен месть карматанок решамо. Мон меринь тест, что кодамояк тевинь теймат аулить, а анцяк ловнотанок эрзянь газета, кода Ленин ялгась кулось и кода мерсь миненек эрямодо, кодамо киява молемадо, чтобу пачкодемс паро эрямос.
Кода карминь газетанть ловномо, народось ащесь пек сэтьместэ, овси буто чувтомозь. Ловномадо мейле атетьнень седеест апаркстомсь, сынь те шкас эщо эсть сода парсте кодамо ломань ульнись Ленин ялгась, кодат сонзо ульнесть превензэ и думонзо. Мон атетьнининь весе евтнине, кода Ленин ялгась вечкиньзе робочийтьнень и крестьянэнь и кода сон стараясь кисост, кода сон пингэнзэ перть бороцясь буржуазиянть марто рабочиень и бедной крестьянонь кис.
Кодамо кудос асуват, весе семиясь ризназь ащи и весе кортыть Ленин ялганьнт кувалт. Ламот, кона седе парсте чаркодизь кодамо ломань минек кадомизь, дажи аварсть.
Калмыков.
| Эрзянь букварень кувалт. |
Эрзянь букваресь пек паро и эйкакшнэ курок тонадыть ловномо эйсэнзэ.
Но букваренть эйсэ улить ламо валт, конат ачаркодевить авуль эйкакшнынинь, а моненьгак. Кода тест се валтне толкувамс? Монь койсэ эряви се валтнынинь сермадомс об‘яснения букваренть пес. Например: ур, куз, яксярго, ервалдомс, бувамс, сювомс, каштом, сэдямс. Или же эрзянь букварентей совсем асермадомс мокшонь валт.
Эщо улить букварьса истят валт, конат эйкакшнынинь аевтавить, напр., тенть, тонть васодьма, киряксни. Сынь кортыть — теть, тонь, гираксни, васодима; не валтнень ловныть велацо авуль истя. Монь койса не валтне сермадомс истя, кода кортыть эйсост эрзят и эйкакшнынень астакат улить не валтне ловномс. Эйкакшнынинь те букваресь пек тусь мелезэст.
Мон сермадан анцяк эсинь школанть кувалт, косо эйкакшне кортыть эрзякс.
Учит-ца М. Пургаева.
| Терьдемат. |
Минь Батужской сельской совет миньцинек учильщас серамадстынек (выписали) газет Якстере Теште эйкакшнэнень ловномс и истяжо тертяно сермадстомс Куляс-буинь, Тарас-буинь, Атяж велинь сельсоветнэнь колмонь колмонь номер. А волисполкомонтей эряви сермадстомс газет ликвидационной пунктс 3 номерт.
Председ. сельсов. Урасов.
Мон Атяшевонь председатель выписал вейке месецс эрзень газет и истяжо терьдян выписать председательтьнень Шлябинэнь (Кулясов веле), Тимофеевонь (Тарас велень) А Волисполкомонь Председателентей Милаевнень выписать вейке годс эрзень гэзетэ.
М. Пушкин.
Мон Тараз велень эрзя Кузнецов выписал эрзень гэзет вейке месецт и терьдян теемс подписка миньцинек велень эрзенень Шуркиннэнь.
Тердян теемс подписка Якстере Тештенть.
| 1) | Анисимов Дмитр. Егоров. Стерлит. контонэ, Меле-уз веле). |
| 2) | Давыдов Федор Никифовович (тожо те веленть). |
| 3) | Буркинэнь Семен Иванович (Лобиновка велестэ). |
| 4) | Ларинэнь Пэвел Алекс. (Сергиевка велестэ, Федоровск. вол). |
| 5) | Шлахтов Максим. Андр. (Федоров. вэлестэ). |
| 6) | Байский Архип Тимоф. (Федор. велестэ). |
| 7) | Казаков Андрей Иван. (Федоровка велестэ. |
| 8) | Согумов Григор. Андр. (тожо). |
| 9) | Горбунов Прохор. Иванович. (Горбуновский хуторсто). |
| 10) | Палаев Яков. Андр. (Палаевской хуторосто). |
| 11) | Анчин Леонтий Фок. (Буляк велестэ. |
| 12) | Степанов Кор. Матв. (Гладков. хуторосто). |
| 13) | Коровников Степан. Прокофьев. Федоровка велестэ). |
| 14) | Сурайкин Иван. (Кузьминка велестэ. |
| 15) | Буркин Семен Степанов. (Алешкинасто). |
| 16) | Буркин Сергей Григор. (Алешкинасто). |
| 17) | Кулагин Архип. Виктор. (Алешкинасто.) |
| 18) | Урюков Афанасий Фил. (Софьев. вол. Кашир. у. Орен. г.). |
| 19) | Кандратьев Еремей Леонтьевич, (тожо). |
| Калмыков. |
| Ответт ловныцянень. |
Калмыковнень Стерлит. Кантон). Рогатой скотинань страховамось обязательной. Анцяк алаша можна эсь олясо страховамс. Страховамонть кувалт сермадозь статьят. Ловныть.
Бурнайкиннэнь. (Тавла веле, Пензен. губ.). Прокатной пункт эряви истя теемс. Теемс постановления веленек, еще лучи кавто велес. Молемс Уездной Земельн. Отд. Если улить машинаст и агрономост, то курок лиси тевесь.
Редакция.
| Почтовый ящик. |
Бурнайкиннэнь (Тавла вел. Пензенск. губ.) статьят кис кучинек тень эрзянь кинишкат. Сермат эщо.
Артипинь Охоньканень Ялгай, тон сермадыть статьят, конань минь печатынек. Статьянть кись кучиксылинек теть кинишкат, аздасынек адресэть. Сермат эще и кучик адресэт.
Казаковнень и Кручинкиннэнь. Лукояновского у. Ниж. губ. Статьянк кис, карматанок тенк годонь берть кутчнеме газет.
Марьенкиннэнь Стэтьят кис, кучтано теть эрзень кинижкат, а кона статьятнень ней кучить кучтано кисэст ярмак.
| Главлит № 17856. Москва. | Типография «Красный Восток» Никольская, 10. | Тираж 2000. |
