|
Вейке номеронть питнезэ 4 к. (зол.) | |||||||||||||||||||||||||||||
 Еженедельный орган мордовской секции при Ц. К. Р. К П. (б.) и Наркомнаца. |
|
| ||||||||||||||||||||||||||||
| № 2. | 1 февраля 1924 г. | № 2. |
| Недлячистэ, 27 январень чистэ, обедтэ мейлс* | ||
| 4 часто Ленинэнь Калмизь красной площеде. | ||
|
| Редакцичнь* пельде. |
Кавто пель марто месецть эзь лисне минекь эрзянь газетась „Якстере Теште“. Ламо эрзят кучнись сермат редакцияв и кевкснесть яла мекс сон лоткась газетань кучнимадо. Ней тынць нейсынк мекс кувать эзь пачколе тенкь газетась. Кавто месецть хлопочинекь, чтобу казна максоволь тенекь аламошка ярмакт газетань печатамс. Ней казна максць аламо ярмаккить и минь таго карминекь газетань нолдамо. Но казна ярмакт максць анцяк тевенть ушодомс. Косто еще саемс ярмакт, чтобу таго алоткавтомс тевесь? Эряве газетанть питнизэ пандомс и сестэ карме сон лиснеме и тевесь алотке. Питьнезэ аволь покш — 15 коп. месецс. Эрьва эзрянь* виезэ саты те питненть пандосм. Газетась минек койсо лоткавтомс аэряви. Сон самай паро ялга эрзянень. Газетастонть нейсынк, кона эрзя велесэнть парсте молить тевтне, косо беряньстэ. Сонзо эйсто истя-жо нейсынк кода эряве теймекс минек эрямонок-чинок чтобу лисемс нужастонть, чопудастонть.
Эрзят, кучудо ярмакт газетань кис! Эрьва грамотной эрзя ловнозо эрзянь газета!
Илязо уль вейке-як эрзя веле, косо аволь уль-бо „Якстере Теште“! Сон тынк паронь арсицянк и превс путыцянк.
РЕДАКЦИЯСЬ.
| Ленин марто прощамо. |
Ниле чис, кода ащесь Ленинэнь телазо союзонь кудосо, совсесть мартондо прощамо миллион ломань. Чинек венек кенкшне ульнесть панжадо. Хоть пек ульнесть якшамо чить, а народ яла теке учось ульцясо ряд, штобо остаткадо варштамс и прощамс Ильичень марто. Кие эзь совсе, кажноень эсть кирьдев сельведендэ. Ламо машнесть, ёжодо.
Ламо сакшность прощамо мартондо велестэ и лия губернясто и лия масторсто.
| Ленинэнь калмамондо. |
Недлячинь карчо пеле-веть лоткасть народонть нолдамодо прощамо Остаткадо молсть Ильичень марто прощамо II Всесоюзной с‘езднэь* делегатнэ. Недлячистэ валске марто теланзо саизь калмозонзо. Мельганзо мольсть Ленинэнь козяйказо, братозо и сазорозо. Калмизь Ленинэнь «Красной площедс». Обедтэ мейле 4 часа теланзо нолдызь калмс. Нолдамсто тейсть залок орудиясто и ружиясто. Чинь чоп ютасть калмондо бокава рядсо народ. Калмозо теезь кудо, ладо; кие эзизе ней может молемэ ваномо и прощамо. И съездэсь тейсь постановления, штобо акадомс наксадомо Ленинэнь теланзо седе куватьс. Калмонзо ланк сёрмадозь.
Ленинэнь лемезэ и тявендэ ламо сядо иеть кармить эрямо народонь седейсэ.
| Пакшань пес содаст, кода танавсь Ленин. |
II С‘ездэсь тейсь постановления, штобо седе курок сермадомс Ленинэнь кувалт кинига, косо улезе сермадозь сондэ учениязо. Те киниганть явшемс весе велева тонафниця пакшатненень стяко.
Эщо вейке кинига седе трудна стяко кармить явшомо велень учительнень, штобо сынь велесэ тонафтост народонть эйсэ, кода мерсь Ленин.
| Лия масторцо Ленинэнь кувалт. |
| Германиясо. |
Те недленть весе газетнэ сёрмадсть анцяк Ленинэнь кувалт. Кармасть микшнеме Ленинэнь кинигандо эйсэ.
Буржуазной газетсэ ито сермадыть, што сондэ коньдямо мудрой ломань эще арасель.
Недлянь берть робочейтне тейнесть собраният Ленинэнь кувалт. Робочейтне кортыть, што те горясь весенень горя. Ульцява якамсто робочейтне пижнесть.
Кадык эри Советской Россия! Седе курок Всемирной Революция!
Германской ждлезнодорожникне сермадсть тей „Кулось Ленин, но акулыть сондэ тевендэ“.
| Франция. |
Париж (столиця). Газетсэ ламо сёрмадыть Ленинэнь кувалт. Вейке сенатор мери: Кода иля мерь, Ленин паро тев тейс. Сондэ роботазо покшт корет нолдасть, сондедендэ мейле-як атаргавить Покш горя советнэнень, но советнэ знярдояк акулыть. Эряви кучомс франциянь пельде ломать Московов.
Робочейтне и Комунистической партиясь тесть демонстрацият. 50 тыща ломань листь ульцяв. Ленинэнь портретендэ марто народось якась ульцява и морасть „Вы жертвою пали“. Ламо ульнесть авардицят.
