конат молихть союзнай, республиканскяй и местнай бюджетонь тиеманди;
м) банкатнень, промышленнай и велень хозяйственнай учреждениятнень и предприятиятнень, а стяня жа общесоюзнай значениянь торговай предприятиятнень лангса управлениясь;
н) транспортть и связьть лангса управлениясь;
о) денежнай и кредитнай системать лангса руководствась;
п) государственнай страхованиянь организовандамась;
р) займань заключениясь и макссемась;
с) землепользованиянь, а станя жа недратнень, вирьхнень и веттнень эса пользовандамань основной началатнень ладямасна;
т) просвещениянь и здравоохранениянь тевса основной началань ладямась;
у) народнохозяйственнай учетонь единай системань организовандамась;
ф) трудонь колга законодательствань основатнень ладямасна;
х) судоустройствать и судса тевонь вятемать колга законодательствась; уголовнай и гражданскяй кодексне;
ц) союзнай гражданствать колга закоттне; иностранецнень праваснон колга закоттне;
ч) амнистиянь колга общесоюзнай актонь нолдамась.
15-це статьясь. Союзнай республикатнень самостоятельностьсна (суверенитетсна) ограничендаф аньцек ся пределхнень эса, конат азфт СССР-ть Конституциянц 14-це статьяса. Ня пределда башка, эрь Союзнай республикась йотафнесы эряфс государственнай властть самостоятельнайста. СССР-сь ванцыне союзнай республикатнень сувереннай праваснон.
16-це статьясь. Эрь Союзнай республикать ули эсь Конституцияц, конац лувондсыне республикать особенностензон и полнайста тийф СССР-нь Конституциять коряс.
17-це статьясь. Эрь Союзнай республикать мельгя ванфтови права свободна лисемс СССР-ть эзда.
18-це статьясь. Союзнай республикатнень территориясна не может улемс полафтф синь согласияфтомост.
19-це статьясь. СССР-ть закононзон вийсна одинаковай сембе союзнай республикатнень территорияса.
20-це статьясь. Кда ули Союзнай республикань законть и общесоюзнай законть йоткса расхождения, действовандай общесоюзнай законць.
21-це статьясь. СССР-нь граждаттненди латцеви единай союзнай гражданства.
Союзнай республикань эрь гражданинць лувондови СССР-нь гражданинкс.
8
