мать... Ну, кода учоной ломатне манявить — сестэ тарка-эзем а муян эстень...
— А чаркодян мекс-бути валозот, покштяй.
— Нама а чаркодят... тынь, ломатне учонойдядо, косто уш миненек тынк превтнень саемс... Вана ёвтнемсдеряй теть вейке история, сестэ чаркодевлить...
Газетс эряволь сёрмадомс те историянть, ну, ды аразикс тынь сёрмацынк, небось сезьган-варака вейкень-вейкень сельме а таргить...
— Зря истя кортат, покштяй, — мерян тензэ, — тон васня ёвтник те историянть, мейле уш карматанок кортамо лиякс...
— Ну эно ёвтниса, коли пек мелеть ули кунсоломс. Минек велесэ ули коператив. Эсть моле эйсэнзэ тевтне: кодамо шайтян а путыть заведущеекс — растрата теи. Пильге ланксто прась велень народось: а добарявить ярмакс! Колмо иес кото сядошка целковой ливтясть варма мельга. Копераивесь* кулома киява якась. Мейле путынек паро заведующей Охримень Ванькань. Те ломаненть истямо эрямонь историязо: 1915-це иестэ саизь германской войнав. Иеяк* эзь ульне фронтсо — понксь Германияв пленс. Сась пленстэ 1919-це иестэ. Велесэнть кудонзо-чинзэ весе розорявсть. Семиязо пельс вачо. Пель ие эрясь кудосо — саизь Якстере армияв. Тосо колмо иеть „чукась“. Сась мейле кудов и ведь-тол поцо кармась робутамо, кудонзо-чинзэ аламодо стявтынзе пильге ланкс... Сэтьмель ульнесь цёрась, ломань марто эрямо майшь, ломанень обидямо эзь вечке...
Меля сёксня (1926) минь сонзэ кочкинек кооперативс заведующейкс. Сразу невтлизе прянзо тевень содыця ломанькс, коперациянок квельмась, появась ламо эрявикс тавар. Таргинек ойменек шождынестэ, кармикне пек надиямо Ванька ланксл*. — Те уш а манясамизь, а ёмавтнесынзе ярмаконок... — кортнитяно эсь юткованок...
...Поездэсь пачкоць кодамо бути станцас. Весе народось каявсь кенкшентень, капшить рамамо ярсамопель. Ансяк минь атянть марто эзинек стя таркастонок. Монь мелем ульнесь марямс историянть, атянтень охоталь ёвтнемс.
...И вот, цёрам, лись вейке амазый тев: сась ошсто ревизия марто мень бути комиссия. Ваннызь Ванькань
68
