7. И мэннед тодяп, целькед су воіпнадэит, што сон пайиній ямміин, и эвд-бельт цялк тійит Галилеест: томб су уйнветте. Киччед, цильким мон тійит.
8. И товда вэйтиш яммій-кодест и пэлмужэн и шур раммэнь урчестиш целькед су вопнаддэит.
9. И кось сій ваньциш целькед су вопнаддэит, кич, Исус пудій сійит воста, и цилькій: рамшэтте! И сій путтиш, таввэтэттиш су юльгит и коммердиш сунне.
10. Танна сарн сійит Исус: еллед пэл; мэннэд, целькед му вильлижин, штобы ваньцетиіш Галилее: и томбе сій уйнелет му.
11. А кось сій ваньциш; танна моттам вартэин мэнниш венна и сарнатыш шорьмус папэть пук ми ли ляманч.
12. И таляк чоηкдэттиш паррасамужэ-вуйм, и туйиш сарндатмуж, и еннэгь эньтиш теηкит вуччіит.
13. И цилькиш : целькед, су вохпнаттій путтиш ехка, и солдиш су, кось мій уддим.
14. И ленчи сак тан баяс ман ольтій райя, мій сарнатеп су, и тійит веккетеп кяхнвудест.
15. Сій вальтиш тиηкит, туйиш, махт вопестам лейиш; и кундэчэдій тат сак Іудей кэскэст тан пейв райя.
16. А Эхтаплогь вопнадэит ваньцлиш Галилее, терм эл, коз пакэй сійит Исус.
17. И уйнестиш су, и коммердиш сунне; а моттам юрьтластиш.
18. И алтній Исус, и цилькій сійит: мунне ли антманч пук валт эльмест и мандэсьт.
19. И нуть, мэннэд, вопестеккед пукэть олмэть и ристэдь сійит Едж, и эльгь, и Пэсь Вуйη нэмме,
20. И вопестекке сійит нуть еллед, махт мон тійит паккум; и нуть мун лям тійи-вуйм пук пейвид ег кедж райя. Аминь.
———·•◀▶•·———