явъндъзень тонафніензънды, тонафніензън озадътьненьди, станяк калтненьгԙ, конанцты мзяра зрявсь.
12. Топъдемдест мелԙ мԙрьгсь тонафніензънды: тяза юма мезевък, кочкаеньнть иляды сускъптнень.
13. Кочкамдъст мелԙ пԙшкедьсть кемгафтува кораб сускъмда, конат илԙдьсть ярцайхьнень ингели нԙ ветԙ чужънь кшитьнень эзда.
14. Эста ломатьтнԙ, Іисузть кԙдста станԙ тійфть нԙемста, мԙрьгсть: видеста Тԙ сяка ингели-содайсь, конанц самац лома-ёткс.
15. Іисузсь, содамстъст мԙльснън війса сԙвъмънза оцьазъркс путъманкса, тага тусь панда-прԙти ськамънза.
16. Илԙдень самък тонафніензън валгсьть морԙть тървас, коста венежса тусьть омба бокънза, Капернаумти.
17. Кармсесь шопъдемԙ, а Іисузсь неньгԙ ашъзԙ сашъндт теест.
18. Війста уфсесь варма морԙськԙ бушавась.
19. Комсь-ветіԙ али колмагеменьшка стадіяда ётамшкадъст, синь нԙезь Іисузть молеманц морԙ-ведьтԙ ланга, венежти маладькшнемстънза синь ԙведьсть.
20. А Сон азсь теест: тԙ Мон; тяда ԙведькшнԙ.
21. Синь мԙльснъль Сонь озафтъмс венежезъст, и эста кигԙ венежсна педьсь берякс, конанц пԙли синь уезь мольсть.
22. Омбъцԙ шинԙ морԙть тона боксънзън ломатьтнԙ умъзьдельть шарькъдемдест мелԙ илԙ венежть аф улеманцты тонада башка, конанц марта аньцяк тонафніенза озазь тусьть и конанцты Іисузсь висцък мартъст ашъзԙ озсԙ.
23. Сԙ ёткста Тиверіадста сасьть илятка венежть, конат лоткасьть сԙ вастть малав, коса нԙ кшитьнень эзда ярцасьть Азърста баславамдъст мелԙ.
