Page:Евангелие от Луки на мокшанском (1891).djvu/132

---

кизефнесь Эсэнза, а Іисусъ мезе-вэкъ ашэзь корта сонь каршэзэнза. ¹⁰ Первосвященникня да книжникня эзкъ ащесьть да пякь мувэргафнезь Сонь. ¹¹ А Иродъ лувэзя Сонь кальдявъ ломаньксъ, пеедькшнесь эсь салдадэнза марта Сонь ланксэнза, щафць лангэзэнза валда адёжатъ да кучэзя меки Пиладэньди. ¹² Ся шиня Пилатъ марта Иродъ тіювсьть ялгаксъ эсь ёткэвастъ, а ингэли синь фкя-фкянь ланксъ кяжихтэльть. ¹³ Пилатъ терьдезень первосвященникнень, начальникнень да народть, ¹⁴ да мярьгсь теестъ: тинь вятесьть моньдине тя ломаньть, ломань мутендайксъ путэзь; вага монъ тиньцень ингэльдэнтъ кизефниня Сонь, да ашэнь му Сонь ланксэнза кодама-вэкъ стама мувэрксъ, кодамэса тинь мувэргафнесасьть Сонь. ¹⁵ Монъ кучсиня Сонь Иродэньди, сонъ-га станякъ мезе-вэкъ ашэзь му, мезьэнкса-бэ Сонъ эрявэль шавэмсъ. ¹⁶ Ина наказазь Сонь нолдаса. ¹⁷ А Пиладэньди празникть инкса эрявэль нолдамсъ фкя пякстафъ (ломань). ¹⁸ Сембя нароць кармась серемя: кулэма Теенза, а миньдеенекъ нолдакъ Вараввань. ¹⁹ Варавва путфэль мурьясъ ошса ломанень шавэманкса, да ломанень мутендаманкса. ²⁰ Пи-