Page:Васенцэ аськолкс. Мокшонь пьессат. Эрзянь кяльста ётафтозень И. Бондяков, 1925.djvu/56

— 56 —

лисӗндихть синь эсо̆нок. Эрэсь маԗтот ши ди каттанза. Тэ разди эряф!.. Авадо̆нза кемонь, сембо̆нь маԗта эрэй. А тон идӗнзо̆н трякшнийть... (Сы̆ԗкай, кочкасыень паршиензо̆н).

Сёма Дунэ, тяда башка мон аф карман тяфта тиендема. Пандэ...

Дунэ. Ворть тейстон, тува! Тоньфто̆мо̆т-ка прэзэ тряви. Туян эздо̆до̆т. Эсь прэзэ тряви, а итть трямо̆с кармат пандо̆ма. Тэчи-кигэ аде Савету, яфтама. Аф эряват... Аԗт, усксӗвт аватнень маԗта, теень аф эряват.

Сёма. Дунэ, тят тушӗнда... Мон пандэ...

Дунэ. Ворть, тяк паньчсэ пинӗнь куркцӗньгэ. Туян! (Вачкасыень паршиензо̆н мэшокс и туй). Моԕть Савету. Яфтама. Лядыкснень инкса саян алэзӗнь алашаса.

Сёма. Дунэ, Дуняша! Тят тушенда... Тусь... Ох-хо-хо... Кадмань. Кода мон тэ визксть кы̆рьца? Тэни сембэ рахсема кармахть лангсо̆н. Аш кода ули ломань ёткс лисемс... Идьмоԗнэ кармахть мельгат урёвама... Авазэ монь кадмань! Мес монць сонь изие кад?..

Аф кунара-бы̆ла ы̆рьвэйсӗнь, аньцяк колма недэленят маԗто̆н эрэсь... Тэни аф ы̆рьвэявон нингэ весть. Кие теень тэни моли? Пантфто̆ма итьненди нингэ кармахть! Ох, Сёма, Сема! Пово̆ть васто̆зт...

Спасиба нингэ колмо̆цесь ашо̆ль! Тапсӗльмазь колмо̆ннест!... Куло̆зенгэ мато̆лезь!...

 

Занавес.

 

Пец.