Эряманяц тусь.
„Вай, цебярь Алдусь,
Серецка сери,
Содаф, козянди
Урьвянякс моли,”—
Тяфта корхнекшнесть,
Аньцек эсть сода
Соньге йонензон,
Потма думонзон.
Зря кизефнезь
Козя кудатне,
Велень азорхне,
Веронь потяйхне.
— Тядде аф туян.
— Мес, ши валдоня?
— Кенерян нинге,
Пара щаканяй.
— Мяньцак вастонять,
Сяльде пеняндат...
Азк ляды валцень,
Тядде аф туят?
— Аф, аф, щаканяй,—
Корхтай Алдунясь,
И лиси кудста
Тевонь якайнясь.
Кяжсна сашенкшнесть
Ляй велень стирьхнень,
Мес паньцесыне
Алдусь кудатнень;
Нльне латцекшнесть
Морот ланганза
Ульцяв яксекшни
Сонцень ялганза:
„Алдунясь цебярь,
Алдунясь мазы,
Урьвянякс арай —
Казьнет аф кази...”
