sabǎna, bhoeroe ghellem anḍi' paḍi. Sodhäghår kodhoe adjhoewǎl-belli, bhoeroe ghellem ollè pèssè."
Haddjhi Bǎkkri: „Engghi lerres.”
Mantrè-landbouw: „Sanonto pangghăbăjăn napè sè kodhoe èlakonè orèng nèko? Rassa boelă taḍă' laèn, kadjhăbhăna pangghăbăjăn sè aghoena ka orèng bannja'; otabă pangghabajan se méghoenae kaparloanna orèng laèn; sabab mon ta' bărinto, tanto ta' kèra bădă orèng enḍă' mellè. Dhăddhi sanonto njata, djhǎ' orèng nèko kodhoe njarè lalakon sè kèra èkaparlo orèng laèn; sanaddjhăn lalakon ghǎnèko ta' sorop ka atèna, ta' èkanapè, lakonè bhǎi!
Ghi' lamba sabelloenna bănnja' orèng pènter, tè' bănnja'na orèng ngabăbă ăghi orèng sẻ apangghăbăj. Orèng bhăngsa aghoeng sama sakalè taḍa' pangghăbăjănna. Njata ḍări otja'na orèng watowa: „orèng aghoeng rèja orèng sè moldjá sarta senneng.” Karana tạdă’ laèn lakona è rèsaarèna, nòng adhădha ărăn bắn asasennengngan malolo.
Sapa sè kodhoe apangghăbăj?
Dhinèng sè kodhoe apangghăbăj, engghi anèko para tokang, para kaboelă băn orèng belliăn.
Ghaneko marghana, molana orèng sè apangghăbăj ekabăbă’ăghi, èkotja' aèp. Sanjatana ta' nèng orèng lambă'na malolo sè bănnja' ngabăbă'ǎghi ka orèng apangghăbăj, sanaddjhăn sanontona ta' rang-korang orèng sè ngabăbă❜ăghi li-koeli, hallana mon èpèkkèr ghoe-ongghoe, sakabbhianna orèng sè apangghabaj neko anjama koli; kalèboen anjama koli, boelǎ koli, haddjhi Băkkri engghi koli, sabab sarat maperghiăghi orèng laèn, ta' engghi? Mongghoe kadjhăman sanonto, sè ènjamaè orèng aèp nèko bănnè koli, nangèng orèng sè ta' anḍi' pangghăbăjăn; sabăb orèng sè tjara ghănèko kapprana ladjhoe mèskèn, taḍă' pangkatta, tor ta' andi' kapènterran. Kadhi napè pangghăbăjănna dhika, djhi: „Kandjeng Towan Resident băn Kandjeng Bhoepatè nèko napè ta' apangghăbăj?”
Haddjhi Băkkri: „Engghi alalakon djoeghăn; tjoma sè èlakonè pangghăbăjǎn alos, opamana: njerrat; bhidhă sareng lalakon bhädhăn-kaoelă, sè doe'-lanḍoe'ăn kantos makalowar pello dări tèngal.”
Mantrè-landbouw: „Engghi bhender. Pèjandhålem ghǎrowa ta' doe'-landoe'ăn, tapè djhă' sangka ghămpang lalakonna. Pangghǎbăjǎn alalandoe' nèko nèng èlakonè sèjangnga; anangèng pangghăbăjǎnna K. T. Resident nèko èlakonè sèjang-malem; băn polè tjè' malaratta sè mèkkèrè lalakon ghǎnèko ; napè polè berrǎ' tangghoenganna, sabăb kodhoe adjăgă kasalamettanna orèng doemè' è bhăbăna. Napè ghǎnèko ta' berra'?”
Haddjhi Bǎkkri: „Engghi padjhăt tjè' berră'na!” Mantrè-landbouw: „Anangèng maskè berră'ă bărămma, kodhoe èlakonè, sabab pangghăbăjăn ghănèko se maḍateng radjhekkè, sè maḍateng kahormatan ka sè alako; ban pole saongghoena pangghabajan ghaneko se andhaddhiaghi kasalamettanna orèng bannja'.
