BHAB SÈ KAPÈNG ḌOEWĂ'.
Mantrè-landbouw ḍâteng ka dhisa abhǎreng Mantrè-aèng băn djhoertoelès Tjamat[1]. Sè katello djărèja pas paḍă todjoe' è korsè sambi ètjabisè kalèboenna todjoe' è lèntjak perrèng. Rèng-orèng dhisa maghârsarèna paḍă atjabis èbăbă.
Èḍălem dhisa djăḍijă băḍă kebbhoen partjobă'an sakennengngan kaaghoenganna Naghǎră.
Ḍă'-aḍă'na Mantrè-landbouw marèksa parkara pangghăbăjăn ḍines[2], ijă arèja marèksa pangghăbăjăn tanè èḍalem dhisa djădijă. Saellana djărèja pas molaè bhab abhoețok wa'-boewǎ'ăn băn bhab pèjara'anna, sopadjă boewăna bhaghoesă sarta manès rassana.
Parandhinèng băbătekka Mantrè-landbouw djărèja lèboer sarta nèserran ka bhăngsana, tor terro mamadjhoeǎ. Amarghǎ djǎrèja, laèn ḍări ngalakonè pangghăbăjănna sè bijăsa, aba' na tjè' lèboerră rang-nerrangngaghi bhab pan-bărămpan kapènterran ka orèng dhisa; sè èsopprè taḍă' laèn, nèng sopadjă abiddhă abit băḍă'ă kadhǎddhiǎnna.
Saellana Mantrè-landbouw marè atjatja, pas ngotja' ka rèngoreng sè băḍă èdjǎḍijă: „Tan-tarètan sè bănnja'! mon kèra taḍă' kaparloan è bengkona, sabelloenna molè, maḍḍhă na atja-tjatja ghålloe; sapa tao, pola èantarana dhika ko'abbhi nèko mè' băḍă sè terro ngèdingngaghia tjarèta boelă."
„Bhenḍerră boelă kodhoe èntar ka bengkona haddjhi Băkkri, ma’na Iswad băn ka laènna sè pon sarmo ka boelă. Tapè sarrèna boelă ta' kobher èntar, molana bhăngo'an sanonto bhăi, angghep èntar ka bengkona dhika ko'abbhi.”
„Anangèng saopama băḍă odoerră otabă kaparloan laèn, mon molèa ta' èkanapè.“
Djhoertolès: „Ghella' abdhina ampon abălă ka maghǎr-sarè ka'into, djhǎ' pandjhennengngan bhăḍhi nerrangngaghia bhab èlmo kasoghiăn; sadhădjă tjè' terrona sè mèrengngaghiă.”
Mantrè-landbouw aghellă' ngalakkak, pas ngotja' polè: „Pon tantona sè terro ngèḍingngaghiă; sabăb boelă nèko èkatangghoe mala'ana dhoewăna orèng sè terro soghia, tjara sè pon kappra èdjhălănnaghi orèng ko'into. Anangèng parkara ghǎnèko boelă ta' ro-nèroa orèng laèn. Ngotja'a tjè' partjadjăna, engghi enten; ngotja'a ta' partjadjă, enten kèja; tjoma bhăi boelă ta' ro'-noro'a kalakoanna orèng laèn, sabăb noro' panemmo boelă, kasoghianna orèng ḍinto nèko ta' njapo' ka kasoghianna bhăngsa Erropa. Sapa
