Mad Hapi: „Ah, mon mongghoe ka boelă parkara ghănèko ta' èkasossa, sabǎb lombhoeng dhisa nèko aghoena ka boelă băn dhika; sakola dhisa engghi aghoena ka ana' boelă băn dhika. Maḍḍhă, na, pèkkèr: kanḍhinna ana'na dhika băn boelă èpasakola ka koṭṭa, bărămma rassana atèna dhika băn boelă, tanto kabǎtèr samanè băḍăna è djhălăn, sabăb djhǎoe, napè polè sangona kodhoe bănnja', sarta angghoejja kodhoe bhaghoes samanè. Anangèng mon èpasakola è sakola'an dhisa, èkennèng bhănḍhai sakone' (sakadhărră). Napè ghoenana ana'na dhika băn boelă èpasakola ka koṭṭa, sabǎb ta' terro èpadhăddhiă pardjădji, nèng terro èpataoa nolès băn matja malolo. Napè polè tja'na lora djhoertolès sanonto băḍă sè ngangghoej pangadjhărǎn parkara tatanèn, napè ta' tjè' ontongnga?!”
Norhasim: „Engghi, mongghoe ka orèng sè anḍi' ana', padjhăt ta' èkarassa berra' (sossa); anangèng mongghoe ka boelă, sossana ta' anḍi' ana', dhăddhi nèng arassa rogi malolo.”
Djhoertolès: „Padjhăt tjara ghănèko pèkkèrra orèng dhisa sè kabănnja'an, ta' anḍi' nèjat sakalè sè ghǎntèa tolong bi' tjakantjana; mon taḍă' pèkolèna ka abă'na,, ta' enḍă' makalowar pèssè, maskè nèng satengnga essèn. Rassa boelǎ ka' Norhasim sè èponḍhoedhi pèssè sombhăngan bi' naghără ta' kèra lebbi ḍări sasoko; anangèng ropana abă'na ngaḍhoes serrona, arassa rogi, halla sakola'an dhisa nèko mèghoenaè ka orèng sadhisa ḍinto. Napè èman makalowar pèssè sasoko sè la njata radjă ghoenana, metolongè ka là bhălă bản tatanggha, njoppre anăi’a pangataoan? Mon tja'na boelă makalowar pèssè tjara ghănèko sarat asanḍhekka ka èssèna dhisa. Băn polè ka' Norhasim èkennèng kotja' atotolong ka sana' bhărădjăna dhibi'. Pola dhika, ka', mè' ta' ḍi' tarètan otabǎ bhălă kasoranga bhălăkka', sè eboeḍi arè bhǎkal noro'a asakola kèja? Mohal mon ngotja'a ta' anḍi'”.
Haddjhi Băkkri: „Tjè' lerressa dhaboena pandjhennengngan ka'into. Mongghoe ka kaoelă, samèlèa ta' angghăḍhoei ana' kasoranga, ta' èman makalowar pèssè sombhăngan sasoko kantos sadjhămpel, sè maghoenaè ka orèng bănnja' mènangka dhǎddhi tanḍhǎ karokonan, sabâb ampon băḍă è tja'-otja'anna orèng wa-towa: ,,Lèntè satengkes ta' ghâmpang èkennèng potel; tapè lèntè sèttong tjè' ghămpangnga potellanna." Artèna saka'into; băbătek rokon, sarodjoe' sareng tja-kantja panèka, maghămpang sadhǎdjǎna lalakon; tapè manabi ta' saka'into, sadhădjă lalakon ta' kèra băḍă pèkolèna. Djhǎ' sakènga dhika, Norhasim, pon tao ngèḍing tjarèta èḍâlem boekoe 22 Băboeroeghăn ana-bărna" angghidhânna D. K. Arḍiwinata, tanto so'è njata ka dhika, djhǎ' manossa oḍi' è dhoennja neko tjè' parlona ngangghoej tabi'at rokon, sarodjoe' sarta èsto ka tja-kantja.”
Djhoertolès: „Ka' Norhasim! bărămma panèmbhăngnga dhika bhab lombhoeng dhisa?”
