( 9 )
Caibat na ning silab iti mong mabandi
pibulebule na itang mepallari
ume yang magsundu quetang queang bale
ning taung miligtas qñg anac nang suli.
Penĝutang ne queta bale nang tucnangan
magdala yang cualta iting mayacayan
nĝana quetang lub na qñg ba-nang ablasan
ing depat nang mayap ning maluca bie.
Bale ning maluca iniang miras naya
iti nang mabandi babie no ding cualta
deti nan babie cong peca paragala
qñg depat mung mayap meguing cablasan na.
Niti nang calulu ali no pin tingap
é co pu ministil darala yung pilac
nung lub yung ablasan ing depat cung mayap
ala pung sulit na labis yung arapat.
Ituru yu sa pu qñg suli yu't cambang
ducuan na't galangan, iti nang calucan
at ding párang tau é no sa patasan
queta ning milalu aguiang capilan man.
Anti ing depat na canacung ibpa na
canitang milabas aldo á minuna
ining calucan cu ali na quílala
at nung sucat cacu ing anti canita.
