Pūpū A O ʻEwa
Hui:
Pūpū (aʻo ʻEwa) i ka nuʻa (nā kānaka)
E naue mai (a e ʻike)
I ka mea hou (o ka ʻāina)
Ahe ʻāina (ua kaulana)
Mai nā kūpuna mai
Alahula Puʻuloa he ala hele nō
Kaʻahupāhau, (Kaʻahupāhau)
Alahula Puʻuloa he ala hele nō
Kaʻahupāhau, Kaʻahupāhau
Nani Kaʻala hemolele i ka mālie
Kuahiwi kaulana aʻo ʻEwa
E kiʻi ana i ka makani o ka ʻāina
Hea ka Moaʻe eia au e ke aloha
Kilakila ʻo Polea noho i ka ʻolu
Ia home hoʻohihi a ka malihini
E walea ana i ka ʻolu o ke kiawe
I ka pā kolonahe a ke Kiu
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |