Přaza (Ćišinski)

nadpis	Přaza
awtor	Jakub Bart-Ćišinski
lěto
žórło	http://texty.citanka.cz/
licenca	public domain
nota	stary prawopis, Formy

(Madrigale.)

    Na zemju sněh dyrkotacu pada;
    Wetr hroznje z nim hraje,
    Róže na wokna saje.
    Rjenje won so hlada.
    Woheń w kachlach praskoce,
    Kofej w horncu so plepoce.
    Holiča přadu.

    Bajki za kachlemi wowka jim baje -
    Hólcy spěwaju pod woknami serenadu -
    Do jstwy hospoza jim kaza.
    Na reju hólc swoje holičo ćaza.
    W reji na ličkach róžow zakćěwa pycha.
    Wětr pak hałuzy wonka na wokna dycha.