Pükat de Lincoln, Bisiedal Pebaltatas
Pükat de Lincoln Abraham, Bisiedal pübliga Pebaltatas päpükatöl 1863 babul[1] 19id, pötü kösek milita sepöpa netik lä Gettysburg, plad puga gletik du volutakrig. (Melopams[2] cedoms gido pükat[3] at as lesamäl de püköf.)
Bü yels folna tels e vel fats obas äsüblinoms su taladil at nulik neti pedatiköl in lib e peköseköl al mobam das valiks mens palemekoms leigik.
Nu binobs komipöl in sitaklig gletik, bluföl va iet net ud anik votik, so pedatiköl e so peköseköl, kanom lonedo dulön.
Binobs äkokömöl su pugafel de iet klig.
Binobs äkokömöl al kösekön dil de om as takedaplad finik utas kels is ägivoms lifis omas dat iet net mögom lifön. Binos löliko lepötik e gidik das sötobs dunön atosi. Ab in siäm gletikum, obs no kanobs kösekön, obs no kanobs sanükön, glun[4] at. Mens lanimälik, liföls, ed edeilöls, kels äkomipöl is ekoseköl omi fagik ove näm obas al lägivön u desumön.
Vol oloegom nemödo, ni omemom lonedo, kelosi sagobs-la is, ab kanom nevelo fögetön kelosi oms ädunoma[5] is.
Binos ple obs, liföls bufum al binön äköseköl is al vob nepefinöl kelosi oms so fagik edukoms so nobiko. Binos bufum ple obs is al binön äköseköl al sugivot gletik blib"l bifü obs, das de ats edeilöls pästimöl obs sumön devodi pamödöl al kudadin et plo kelos oms is ägivoms latiküni mafi fulik devoda; das edeilöls ats no sötoms edeilön vanliko. Das net sötom dis God, labön nuliki motöfi Liba; e das regams popas, fa pops, e plo pops, no sötoms sedeülön de tal.
NOETS. (Vükifonät)
- ↑ Jiniko bükapök; pla: balsebalul.
- ↑ Bükapök; pla: Melopans.
- ↑ Bükapök; pla: pükati.
- ↑ Bükapök; pla: gluni.
- ↑ Bükapök; pla: ädunoms.
Se Volapük: Gasedil mulik püka bevünetik 1889, Nüm: 11, Pads: 110-111.