Ostpreussische Sagen und Schwänke/He gleht wie'n Rasteborger

Twe Schmödts, all beid möt dorscht'ger Seel
On ener utgeblechten Kehl,
Ön Rasteborg enst drunke Schnaps,
E Wachmeister op ene Klaps.

Noam föfte Glas seggt ener: „Puh!
Dat's nuscht, ick drink e Halwe nu,“
De zweiter drop, e groter Mann:
„Ick noch e Stoop verdrage kann.“

Zwoar rede alle Gaste aw,
Doch för de Schmödts ös dat man Kaff,
Se gote fix ön öhre Schnut
Dat Stoop, dem Halwe Brannwien ut.

Ön öhrem Kopp et hämmert sehr,
Uck full dat Goahne enne schwer,
Öhr' Fratz wär rot wie'n Pannedach,
Doch wäres frösch am nächste Dag. —

Wer so dem Suff sick angewennt,
Dat am Gesöcht e Hölzke brennt,
[058]Von solkem seit der Tiet et heet,
Dat he wie'n Rasteborger gleht.