Nochi-Güena

by Rufino Martínez Vázquez

I
¿ 0nde vá fuxendo,
Onde vá la neña
I' un sitio pa utru tríando la ñeve
Per la escura ´Idea ?
¡ Pid' una llimosna !
¡ Pide pa so güela !
P' aquella vieyina que 'stá ya fai tiempu
Na camína 'nferma.
¡ Ente toa la xente
Que blinca contenta !.,.
¿ Non vá ver un alma qu' á la rapacina
Un garito i dea ?
¡ Ruxa la zambomba
Que ye nochi-güena !
Qu' allume la lluna y los mozos canten
Y.,. ¡ nieva que nieva !

II
Todo ye contentu
Na lexan' aldea,
Todu 'l mundu canta, hoy naide se duerme,
Hoy naide s' acuesta.
Nin les castañueles
Nin la pandereta
Callen un menutu, todo ye folixa,
Ya naide se quexa.
¡ Qué haberá nel ricu
Palaciu de piedra
Onde 'stán bailando al son del piano
Cincuenta parexas...
Onde les muyeres
Arrodiás de seda
Llucen los incantos de blanca garganta
De perlines llena !
¿ Y del cementeriu
Na quietud inmensa...
Non bailen los güesos de los que allí duermen
Siendo nochi-güena ?
¡ Cuántos é nel mundu
Ximiendo de pena
Al oyir sones que saquen los mozos
Co la pandereta...
Cuántos escuchando
La noturna fiesta
Mirarán tiemblando por una rendixa
Colar la miseria.
Y' en 'l Orbi... alegre
Canta la reciella,
Ruxe la zambomba con bélicu ' struendu
Y... ¡ nieva que nieva !

III
Ya l' aurora tiñe
De lluz la campera,
Ya los paxarinos espatuxen llistos
Ente l' arboleda.
Y el vientu les cañes
Plácidu ximielga,
Y ruxe 'l regueru que sospira y cuerre
Con tristina quexa...
Y acullá lexones,
Na vecina ´Idea
Ruxe la zambomba, canten los rapazos
Co la pandereta.
Poquitín y' á poco
Calla la reciella
Solu á veces ruxe ¡ ijujú ! lexanu
Que naide contesta.
Toos están cansaos,
Solu 'l viento dexa
So run run que fuxe tropiezand' ufanu
Contra la portiella.
Una prob' anciana
Na camina ´nferma
Con Iívidu rostru e' nel que la fame
 Posó triste güella,
 Dexa que sos güeyos
 Lagrimines viertan,
 Ya non pué llimpialos, y diz selemente
 - ¿ Ónde ´stá mió nieta ?
 ¿ Ónde 'stá 'l arcanxel,
 Ónde ´stá la neña
 Que dábame besos siémpre á la aurorina,
 Voy morrer sin vela ?
 Y la probe anciana
 Na camina ' nferma
 Puxa por alzase y apreta los puños
 Diciendo: ¡ traéila !
 Ya güelve corriendo
 La axelada neña,
- Güela, diz, atendí... pero la vieyina
Ya non-i contesta.
Non canten lexones
< Hoy ye nochi-güena...>
¡ Y la lluna alluma !... ¡ llora la niñina !
Y... ¡ nieva que nieva !