Noc
Złotne słyńco zejźo domoj,
Slědny błyšć juž zgasujo;
Noc se milna pušća dołoj
A wša stwórba k měru źo.
Gwězdźina pśez ńebjo kšaca
Ako rědna ńew´esta,
Z swětłym pasom se hokasa,
Kenž jo połny dejmanta.
Wóna sypjo słodke spańe
Na wšych mucnych cłow´ekow
A pódawa žognowańe
Do wšych chamnych cłonaškow.
W pólach, w gólach, wšudy spańe,
Słodki měr wšo pśikšywa,
Spokojne wótpocywane,
Wšudy swěta śišyna.
Noc, ty luba, och pśesćěraj
Twóje kśidła tež na mńo,
Nowe mócy zasej zběraj
A daj słodki měr do mńo!
- Author: Fryco Rocha (public domain)
- Source: http://texty.citanka.cz/pata/sc2-225.html
- Note: Stary prawopis