Nican Mopohua

The following is a early Nahuatl sample, about the Virgin of Guadalupe:

HVEI
TLAMAHVIÇOLTICA
OMONEXITI IN ILHVICACTLATOCA ÇIHVAPILLI
SANTA MARIA
TOTLAÇONANTZIN
GVADALVPE IN NICAN HVEI ALTEPE‍NAHVAC MEXICO ITOCAYOCAN TEPEYACAC.

 

Impresso con licencia en MEXICO: en la Imprenta de Iuan Ruyz.
Año de 1649.

Ilhvicac Tlatóca
ÇIHVAPILLE, ÇEMIHCAC ICHPOCHTZINTLÉ intiTlaçòmahuiz Nantzin in Dios.
[❄]

Maçihvi càmo nolhuil àmo nomàcehual inic nonecui‍tlahuil mochiuh inmoTecpantzin, in motlaçò Caltzin in oncan tictomahuiztililiticate izçenquizca mahuiztililoni, in mixiptlatzin, ca yeoticmottilitzino inic onimitznomaquili, oni‍mitznohuenchihuilili in noyollo niman inìquac ononcalaquico in motlaçòchantzinco. Auh inic çenca noconelehuia, noçenyollo ica nic nemìlia, inmotequipanolocatzin, inmomahuiztililocatzin, ca te‍pitzin ic nocon nextia in onocontililan, onoconìcuilo nahuatlàtol‍copa in motlamahuiçoltzin: macamo quen xicmochihuili inmixtzin, in moyecyollòtzin, çayè xicmopaccaçelili inic nomaçehuallàtolli. ca oc hualca oticmochihuili inmotetlaçòtlaliztzin inic itlatolcopa oticmonochili, oticmonotzaltizino inicno maçehualtzintli initech itilmàtzin, îayatzin xochahuiacatlapallotica, otimocopintzino oti‍micuilòtzino, inic àmo mitzmotlànehuiliz; yequene inic quicaquiz, quimoyollotiz in miyotzin, inmotlanequiliztzin. Auh inic tiuhca‍tzintli nimitznottilia in càmo ticmotlàyelittilia in nepapan tlaca intlàtol, in yetiquinmonotzaltìtzinoa, auh ca çenca ic otiquinmoyol‍lapanili inic omitzmiximachilìque, omitzmotepantlatòcatìtzinòque izçennohuian tlalticpac: Ca ye yèhuatl inonech yoleuh, inonech yol chicauh inic nahuatlàtolcopa onocon ìcuilo in çenca huei motla‍mahuiçoltzin inic otimoteittitìtzino, ihuan inic oticmotemaquilìtia inmixiptlatzin in nicã motlaçòchantzinco Tepeyacac ma oncã quit‍tacan in maçehualtzitzintin, ma intlàtoltica quimatican inixquich inimpanpa oticmochihuili motetlaçòtlaliztzin, izçenca ic òpoliuhca in cahuitl iniuhcatiliz, ihuan inquenmochiuh. Auh ca ocno centla‍mantli inic oniyoleuh inic oniyolchicauh nahuatlàtolcopa nocon ìcuiloz in motlamahuiçoltzin, auh ca yèhuatl in quimittalhuitzinoa inmotlaçòtzin in motetequipanòcatzin S. Buenaventura, ca in huei, in mahuiçauhqui, inhuècapaniuhqui itlamahuiçoltzin toTecuiyo Dios, nepapantlàtoltica inmìcuiloz inic quittazque, inicquimahui‍çozq̃ inixquichtin nepapan tlalticpactlaca; Iniuh mochiuh inìquac quauhnepanoltitech momquilìtzino in motlaçòconetzin, ca iquaic‍pactzinco ètlamãtlàtoltica huapaltitech omìcuilo initzontequil ilo‍catzin, inic quittazq̃, quimahuiçozq̃ nepapã tlàtoltica innepapã tlaca izçnequizcahuei, izçẽquizca huècapaniuhqui, mahuiçoloni itetlaçò‍tlaliztzin inic Cruztitech imiquizticatzinco oquinmomaquixtili iz‍çemanahuac tlaca. Auh ca no cenca huey, cenca huècapaniuhqui, cenca mahuiçoloni in mixiptlatzin in hueltèhuatzin momaticatzin‍co otic motlapalaquili, oticmicuilhui initechpatzinco ticmonequil‍titzinoa titotzàtzililizque intimopilhuantzitzin, ilhuice in nican tlaca macehualtzitzintin in otiquinmottitìtzino. Ic ipampa ma ne‍papan tlàtoltica mìcuilo inic mochintin inquauhnepanoltitech momquilìtzino in motlaçòconetzin, ca iquaic‍pactzinco ètlamãtlàtoltica huapaltitech omìcuilo initzontequil ilo‍catzin, inic quittazq̃, quimahuiçozq̃ nepapã tlàtoltica innepapã tlaca izçnequizcahuei, izçẽquizca huècapaniuhqui, mahuiçoloni itetlaçò‍tlaliztzin inic Cruztitech imiquizticatzinco oquinmomaquixtili iz‍çemanahuac tlaca. Auh ca no cenca huey, cenca huècapaniuhqui, cenca mahuiçoloni in mixiptlatzin in hueltèhuatzin momaticatzin‍co otic motlapalaquili, oticmicuilhui initechpatzinco ticmonequil‍titzinoa titotzàtzililizque intimopilhuantzitzin, ilhuice in nican tlaca macehualtzitzintin in otiquinmottitìtzino. Ic ipampa ma ne‍papan tlàtoltica mìcuilo inic mochintin innepapan tlatòltica mo notza quittazque, quimatizquè inmomahuizçotzin, ihuan in çenca huey motlamahuiçoltzin inin pampa oticmochihuili.

[ 1 ]

✠
NICAN
MOPOHUA,
MOTECPANA INQUENIN
YANCUICAN HUEITLAMAHUIÇOLTICA
MONEXITI INÇENQUIZCA ICHPOCHTLI SANCTA MARIA DIOS YNANTZIN TOÇI‍HUAPILLATOCATZIN, IN ONCAN TEPEYACAC MOTENEHUA GUADALUPE.

Acattopa quimottititzino çe

maçehualtzintli itoca Iuan Diego; Auh çatepan mo‍nexiti initlaçò Ixiptlatzin ynixpan yancuican Obispo D. Fray Iuan de Sumarraga. Ihuan inixquich tlama‍huiçolli ye quimochihuilia.

Ye iuh màtlac xihuitl in opehualoc in atl in tepetl Mèxico, ynyeomoman in mitl, in chimalli, in ye nohuian ontlamatcamani in ahuàcan, intepe‍huàcan; in macaçan yeopeuh, yexo‍tla, ye cueponi intlaneltoquiliztli, iniximachocatzin inipalnemohuani nelli Teotl DIOS. In huel ìquac inipan Xihuitl mill y quinientos, y treinta y vno, quiniuh iquezquilhuioc in metztli Diziembre mochiuh oncatca çe maçehual‍tzintli,