Na Lei O Hawaiʻi
Nani Hawaiʻi ka moku o Keawe
Lei haʻaheo i ka lehua
A me ka maile aʻo Panaewa
Kilakila ʻo Maui lā iā Haleakalā
Ua kapu roselani
A noʻu hoʻokahi wale nō
ʻOhuʻohu Oʻahu i ka ʻilima
He kohu manu ʻōʻō
Hulu melemele o ke kuahiwi
Lei Kauaʻi i ka mokihana
Lauaʻe o Makana
O kaʻu aloha nō ia
Kaulana Molokaʻi i ka ulu kukui
O Lanikāula
A me ka wailele aʻo Moaʻula
ʻO Niʻihau, Kahoʻolawe, Lānaʻi
Hoʻoheno me ka pūpū
Ka hinahina me ke kaunaʻoa
Haʻina ʻia mai ana ka puana
Na lei o Hawaiʻi
Na lei o Hawaiʻi e ō mai
|
This work is in the public domain in the United States because it was published before January 1, 1929.
The author died in 1950, so this work is also in the public domain in countries and areas where the copyright term is the author's life plus 70 years or less. This work may also be in the public domain in countries and areas with longer native copyright terms that apply the rule of the shorter term to foreign works. |