Miu tschupi
Miu tschupi
Sin mintga send' e via,
sin funs e sin glatschers,
tarlisch' en spir legria,
carina matta mia,
il fiug dils egls brin-ners.
Las fluras las pli finas
hai jeu purtau dals aults
e less tias nialas brinas
ornar cun las bransinas
cun mes giavischs schi caulds.
Jeu astg a ti porscher,
ti biala, miu tschupi,
el secca senz' encorscher. –
Mo'ls vents pon maina storscher
l'amur el cor a mi.
(Poesia inedida da Gian Fontana dals 29.11.26)
|
This work is in the public domain in countries where the copyright term is the author's life plus 70 years or less. See Copyright.
|