Mezahib Çiharin

by Mele Xelîlê Sêrtî

Mezahib çiharin, îmamê di wan
Li heqqîne her çarî bêşek bizan.

Ku Nu'man û Ehmed û hem Malikin,
Ji dînê mere şafiiye rukin.

îmamê meye Eş'erê ta Nehir,
Ebû Mensûrê Mawera-un Nehir.

'Eqîda ku ew herdu pê qaîlin,
Ewe heqqe, heftê û du batilin.

Heçî ku li ser wê 'eqîdê nebit,
Ji ehlê fesadê û bid'et dibit.

Welê ehlê qiblê tu kafir mezan,
Serîhî ku kufrê nebînî ji wan.

Dê razî nebî tu bi kufra kesî,
Li îslam mûhibbanê lez key besî.

Tu enwa'ê sihrê mezane helal,
Mebêje kesî, "kafirê dînbetal".

Tucaran tu de'wa xwedayî meke,
Suqûta tu teklîfê îzhar meke.

Mulettex meke qet perê mushefan
Bi tiştê necis 'emd û hem mescidan.

Mu'eyyen li kes le'netê tu meke,
Li ehlê 'ezabê 'umûmen bike!