Men seniń bir shaqańman (Qayıpnazarov)
Báhár kelgen sayın jayǵan japıraq,
Kún nurında kúlip turǵan jarqırap,
Tuw alıstan kózge túsken buldırap,
Sen bay terek, men senig bir shaqańman.
Sahraǵa sán berip qáddin dúzegen,
Gózzal kórki Ámiu boyın bezegen,
Usha bası álhawanı gózlegen,
Sen bay terek, men seniń bir shaqańman.
Sen jayqalıp óssen, men de ósemen,
Sen pát berseń men jel bolıp esemen,
Sen arqalı jurt kózine túsemen,
Sen bayterek, men seniń bir shaqańman.
Keń óris jaylawsań jasıl giyalı,
Mehriban anasań altın ayalı,
Jegilgep nárwansań salqın sayalı,
Sen bayterek, men seniń bir shaqańman.
Meniń sheksiz dalam, ashıq aspanım,
Terbelgen besigim, tilde dástanım,
Dańqlı úlkem—Qaraqalpaqstanım,
Sen bayterek, men seniń bir shaqańman.