Mehbûbê Bi Dil Bit
Mehbûbê bi dil bit me bi evraz-i çi hacet
'Enqa bi xwe bêtin firr û perwaz-i çi hacet
Ney dûr e hebîbê me çi firyad û fixan kîn
Wê guh li demîra dil e awaz-i çi hacet
Go suxte murada xwe ji min telbe ke îro
Min go ji kerîm telbe û daxwaz-i çi hacet
Min nale refîq in xem û tehlî ne muşahib
Firyad-i enîsê min e demsaz-i çi hacet
Dildan û newaziş çi ne duşnam-i bes in min
Pir derd û cefa hurmet û i'zaz-i çi hacet
suhbet bi mey û çeng-i hebîbê me bivêtin
Firyad û fixan mi ne bes saz-i çi hacet
Razên me çi hacet weko xemmazî bizanin
Eşkên me bes in dîde'ê xemmaz-i çi hacet
Herlehçe çi hacet ko bi nazan bikujî min
Cana ji xwe qurbana te me naz-i çi hacet
Ta çend-i bi hecra xwe tu min tecribe înî
Zêrê ji xwe xaliş mehek û gaz-i çi hacet
Hacet niye cana yedê beyda bi deranîn
Inkara di dîn da nebit i'caz-i çi hacet
Esrarê ezel dê di ebed bêne zuhûrê
Encamê serencam-i ji axaz-i çi hacet
Ger lû'lû'-i mensûr-i ji nezmê tu dixwazî
Wer şi'rê Melê bîn te bi şîraz-i çi hacet
|
This work was published before January 1, 1929, and is in the public domain worldwide because the author died at least 100 years ago. |