Maurets, Bertrants a laissada

by Lo Dalfin, Bertrant de la Tor

Razon ab Coblas

Lo Dalfins fetz aquesta cobla d’En Bertrant de la Tor e mandèt-lalh per Mauret, qu'èra uns joglars, en la saison que Bertrants ac laissada valor e largueza :

Maurets, Bertrants a laissada,
(manents e rics es assatz),
valor, dont fo mout onrats,
e l'anar d'autr'encontrada ;
e sojorna a la Tor,
e ten falcon et austor,
e cre far Pasc' o Nadal,
cant son vint dins son ostal.

Bertrants respondèt al Dalfin en aquesta cobla :

Maurets, al Dalfin agrada
que'm dígan qu'èu soi malvatz ;
e reprovièrs es vertats :
« de cal senhor, tal mainada» ;
que èu fui bons tant cant aic bon senhor,
que a lui plac ni s'o tenc ad onor.
Aras, Maurets, pòis el non val,
s'èu èra bons, tenria-s’o a mal.