Mauna Kea
Na ka Mauna Kea la i kono mai aʻu
E naue i ka ʻāina malihini
ʻĀina kaulana o Hilo Hanakahi
ʻĀina hoʻohie a ka malihini
He aloha Mokuola a e kū nei
I ka uluwehi ka lau o ka nui
E kīlohi i ka nani o Waiakea
Me ke one ʻanapa i Waiolama
Mālama ke aloha waiho i loko
Kau nui aku nei kahi manaʻo
E ʻike iā Waiānuenue
I laila hoʻi hope na malihini
E ʻike i ka nani aʻo ka Wahine
Ko mai ke ʻala aʻo ka maile
Na kāhiko ʻia a ʻoia uka
He nahele ia puīa me ka lehua
Lei hoʻohihi hoi a ka malihini
ʻIke i ka nani aʻo Halemaʻumaʻu
Me ke ahi kaulana a ka Wahine
Pehea mai ʻoe Uwekahuna
Me ka pali kapu o Kamohoaliʻi
He aliʻi nui ʻoe na ka malihini
O nei ʻāina pahoehoe
Aloha ia uka me ka onaona
O wili lei rose lei ʻohelo
Manaʻo aʻe au e hoʻi i ka home
Ika uluwehiwehi o Kapālama
Ke huli hoʻi nei ka Mauna Kea
E ʻike i ka nani a o ka kaona
Haʻina ʻia mai ana ka puana
Lei ʻohuʻohu i ka lei Paʻi Niu
Haʻina hou ʻia mai ana ka puana
Kuʻu lei mokihana poina ʻole
|
This work was published before January 1, 1929 and is anonymous or pseudonymous due to unknown authorship. It is in the public domain in the United States as well as countries and areas where the copyright terms of anonymous or pseudonymous works are 100 years or less since publication. |