Manu Kapalulu
Noho nani iluna ke ao ʻōpua
Kapu ʻihi kapu i Kilohana
Haiamū ihola ka lehua
I nā manu
Hui:
Kulikuli au iā ʻoe manu kapalulu
Hana wale mai nō iaʻu
He aha hoʻi ʻoe i koʻu manaʻo
ʻAe nō hoʻi
ʻŌlelo ana ʻoe i ko haʻi keʻe
Eia iho nō me ʻoe
Nā ʻaumakua peʻe i ka poli
I aʻo lūʻau ʻia
Kiʻina kahuna i Hawaiʻi
Kūkulu nā haʻilona
Kuhikuhi ke ola iā Kapo
ʻO ia nō hoʻi
Noho iho nō ʻoe ʻai pono iho
I kou pōmaikaʻi nui
ʻIke ʻia ai he ulakolako
ʻO ia nō hoʻi
|
This work was published before January 1, 1930, and is in the public domain worldwide because the author died at least 100 years ago. |