Magnetismo

by Gaetano Crespi

Me regordi che el di del sposalizzi
hoo ditt: « Se gavaroo, per sort, di fioeu,
m? guardaroo ben ben de daggh di vizzi
come fan squasi tucc al di d’ incoeu.

« Vuj no ch’abbien de veng i sò caprizzi!
Han de vegnimm adree come cagnoeu,
e guai se me faran di malefizzi !... »
Però me accorgi, car el mè Tanoeu,

che sti proponiment hin deslenguaa
come la nev al so !... Tutt in d’on bott,
diventaa pà anca mi, me sont cambiaa !
Adess pu de bajad, pu de scuffiott;

e, di mè idej de gran severitaa,
ghe son reussii a cavagh on bell nagott !
El m’ha magnetizzaa

quell scigollin !... Me par de vess pu mi !
E si che cerchi semper de reagi...
Ma lu el me conscia
tant locch, che se el fases anca el ciappin,
in scambi d’on castigh, ghe doo on basin!