Ma Wai Ra (1841)
Ma wai ra taku mate
E huti ake ki runga?
Ma te Atua Nui,
Maana i runga nei.
No te kore ano;
Te kore-te-whiwhia,
Te kore-te-rawea -
Na wai hoki te kore?
E whitu nga tau
E kawea ana te patu
Ki te rakau hoari,
Ki te rakau pu hou.
Whakatuputupu, whakatuputupu!
Kaore ana ra;
Kei tua o Manuka.
I te ra e puta mai,
Te hau o pungawere,
Hei whakariu ake -
Mania, ka paheke atu ana,
Ki te wai tai!
Mimiti, pakore
Ki te waha o te parata!
E au kai tu,
E au kai rere,
E au kai whakatokihi;
I runga o te tumuaki
O Te Poihipi,
Me tohu hoki koe
No Ngati-Karetoto,
He pahi mahi kai
Maaku ma te tau, e,
Te tau, e, i.
|
This work was published before January 1, 1929, and is in the public domain worldwide because the author died at least 100 years ago. |