Lis striis di Germanie
Lis striis di Germanie
[edit]Scuasit tal mieg dal Chanâl di San Pieri, parsore de vile di Curcuvint, si viôd une montagne verde che j disin la Tenèhe. Lassu adalt al ê un biel pradissìt in forme di Chadin, dula ch'a jè vós ch'a vignissin une volte a bala lis striis di Germanie.
A capitavin ogni joibe la matine a buinore prin ch'a
sunassin di lis Champanis di San Niculau di Paluce. Vistudis a
blanc, cunt'une velete rosse su lis strecis biondis ingropadis su
la cope come une brotule di Chanaipe, sintadis sunt'une file di
nulutis d'aur e d'arint, a svolavin jù vongoland di montagne in
montagne fin dulà ch'a naë la Bût.
Su la boChe dal gran fontanon, in te ploe minudine che come flôr tamesade a salte parajar pal impit da l'aghe ch'a ven für imburide a rompisi tai crets, a si lavavin la muse e 1 pidins e po cun chês lôr manutis freschinis a si petenavin la caveade e le fasevin su in ricots.
Cualchi volte il soreli, plui furb che tal lôr paîs, al vignive a cucalis prin ch'a vessin finit di svuatarási, o la Champane di san Niculau a sunave madins plui abuinore dal solit, e alore vajulints a scugnivin torná indaúr.
Ma plui dispès, mitàt tal sen un macet di violutis rossis, a svolavin tal pradissìt de Tenche, indulâ che in gran ligrie a jerin ğa a spietâlis lis striis Chargnelis e chês dal Friùl. Su la spêcule di Cabie, sun chê montagne colôr di rose e rimpinide ch'a Chale parsore di Cedaréhis e ch'a fás éhanton tra la Bút e il Charsò, si podeve viodilis in comareés a balâ insiemit e a busâsi come tantis sûrs. Indulà ch'a tochavin lis cótulis e chej piduts lizerins, il prat al sflorive dibote e tal indoman dut il Chadin de Tenche al pareve piturát a strichis rossis, turchinis, blanchis e galis a fuarce di tant panpurcìn, gîs e campanelutis ch'a cuviergevin la tiere.
19
A disin che anche sar Silveri, chel danât ch'al piche la
montagne ret il Moschard, al montave sul so grêban e par gust
di viodilis al meteve il Chapiel verd e la gabane colór di rose.
Su l'ore di misdì, par rinfreschâlis, al Jevave su dal mâr un
ajarin gentîl e, traviersade la planure, al marchave a cavalot de
Bút spacand lis alis blanchis, mormorand e busand a une a une
lis ondadis che j vignivin incuintri.
Chel ajarìn, a chê ore istesse, al ven su ogni dì tal Chanâl di San Pieri; ma tal Chadin de Tenche a no balin plui lis striis. Invezit sâr Silveri al piche plui che mai la joibe; cuand ch'al à fat un gran grum di clas, a ju sdrume ju te Bút e in forme di purcìt al torne in su a rimâ.
La Champane di San Niculau, sdrondenade dal vint, cumò a
sune a miegegnot e chej bots malinconics e mistereòs a parin il
sglinghigna di une Chadene.
Lis nestris striis spauridis a fuin a scuindisi daür 1 grébans dal Cuc o sul Chàul o in jenfri lis palis sechis de Serenate. Chés di Germanie, vistudis a neri, cu lis strecis disfatis jü pes spâdulis, sintadis sul confin a vain l'antighe amistát pierdude.
20