[ 15 ]
anpa telo la
tan jan Nowa
anpa telo la monsuta li lape
telo suli li jo e kala monsuta ante
taso toki ni li toki pi monsuta wan
ona li wile moku e soweli e jan
telo suli li jo e kala monsuta ante
taso toki ni li toki pi monsuta wan
ona li wile moku e soweli e jan
jan lili o! o lukin wawa
noka sina li lon telo suli la
ken la luka linja li kama sewi
li alasa e sina li alasa moli
noka sina li lon telo suli la
ken la luka linja li kama sewi
li alasa e sina li alasa moli
seme li sijelo pi monsuta ni?
seme li ona? kala anu akesi?
ona li ni tu ala, taso ona li ni:
suli, ike, tan anpa pi ale lon
seme li ona? kala anu akesi?
ona li ni tu ala, taso ona li ni:
suli, ike, tan anpa pi ale lon
tan pimeja pi lon ala
tan weka pi ale ma
tan jasima sewi
ona li tawa ma ni
[ 16 ]tan weka pi ale ma
tan jasima sewi
ona li tawa ma ni
jan lili o jan lili o
o open e oko
sina tawa telo la
o lukin pona anpa
o open e oko
sina tawa telo la
o lukin pona anpa
anpa telo la
linja laso li luka e sina
linja laso li luka e sina
|
This work is licensed under the Creative Commons Attribution-ShareAlike 4.0 International (CC BY-SA 4.0) license.
|