Lifanunods tidelas volapüka. Verten A. J. St.
Nem obik binom: Verten Anton Jakob Stefan. Motöfadel oba binom balsetelul 26. yela 1863. In yel 1882, zülul 14. egetob tideladipedi obik in S.’Hertogenbosch (Nolübrabän) e sis balsul balid yela ot binob tidel in motöfapag oba. Elilädob in delableds in yel 1884 dö vp. Elemob sikodo glamati (segivot nedänik) e vödabuki (segivot telid) de Schleyer. Balsebalul 22. ebegob söli datuval demü nüns tefü diped tidela volapükik. Balsetelul 5. epotob penedi balid, balsetelul 6. telidi e balsetelul 9. penedi kilid datuvale. Balsetelul 12. pelasumob in sog vpa as tidel.
Eplägob volapüki büfü getam dipeda ba muls tel. Espodob siso ko calablods in vp.; elilädob ziliküno timapenädis volapükik ed etidob i vpi. Epenob laltügis dö vp. in »Gased de Hrafe« e vilob blibön i füdo volapükan zilik.
Se Mulapenäd nebolitik: Volapükagased 1889, Nüm: 2, Pads: 10–11.