Lifanunods tidelas volapüka. Verbrugh Marie J.
In balsebalul 1884 sibinam vpa ävedom pesevik obe dub lilädam in gaseds, das söl Servaas de Bruin ipübom lovepolami nedänik de glamat e vödabuk söla Schleyer.
Telul 1. 1885 pädipedob fa söl Schleyer as of-tidel vpa; balsetelul 28. 1886 as of-löpatidel e kilul 30. 1889 as jiplofed.
Al födön pakami vpa, epübob in velul 1885 glamati flentik-vpik, ed in yel ot efinob namapenädi de glamat nelijik-vpik, plo kel söl Holden in Preston eblüfom tiemo, do vanliko, tuvön ko stips gitik pübeli in Nelijän.
Fovo efinob namapenädi de konlet literatik vpik, kela pübam no ejenom demü difs in glamats vpik, ab ninöf kela pelasumom gledilo in dedil literatik vpableda spänik.
Mälul 10. 1887 pädanemob as of-kopanal melidlik »Pakamakluba vpa J. M. Schleyer« in Vercelli; balul 5. 1888 of-stimakopanal vpakluba flentik; telul 2. 1888 jikopanal spodal »Zenodakluba vpik« Späna; zülul 3. 1888 jistimakopanal »Pakamakluba zenodik vpa« in Milano; folul 28. 1889 jistimaspodal danotabüra bevünetik tedelas »Tedaflen« in Milano.
In kilul 1860 pämotob in Dortrecht e lödob sis yels za 20 in Middelburg.
Se Mulapenäd nebolitik: Volapükagased 1889, Nüm: 7, Pads: 37.