Lifanunods tidelas volapüka. Müller Hermann.
Pemotob 1818, telul 27. in Calw (Kalv), Vürtän. Estudob pükavi e godavi (gospelnik), evedob dokel sapava, präzepel e pädel in Leutkirch e Biberach, poso plofed e rekel plo-gümnada in Calw; äyelo, nag igovob julis du yels fols, egetob bäledamoni.
Pelüjonob tefü vp. dubü pükat plofeda Büchler, keli epükatom in lasam pükavanas in Heilbronn, keli elilädob in spodabled pükavik in flukatim yela 1881. Calajäfs lemödik äneletoms lonedo obi, penön len datuvel Schleyer e dabegön glamati omik, ed at it no äkanom begino sedön glamati obe, bi segivot balid piseselom. Ab egetöl fino glamati, evedob foviko züpan betikälik volapüka.
Egetob dipedi as tidel vpa 1883, balul 3., as löpatidel 1886, balsebalul 11. ed as plofed 1887, lulul 28.
Esteifob pakami volapüka me pükats anik maniföfik äd is in tops votik, me tidüps, e me gasedalaltügs e penots.
Se Mulapenäd nebolitik: Volapükagased 1888, Nüm: 6, Pads: 35.