Libre de Memorias/1390

← 1389

1390 Libre de Memorias

Index →

L'an MCCCXC foron Cossols,

• Senhor Johan Navas, Messier, per lescala de Messaria, davocatz et de Taulas.
• Senhor Gautaroia, Mercadier, per lescala de Mercadaria, de Notaris et de Canabassies.
• Senhor Jacme Cancenneiol, Mazelie, per lescala del Mazel, de Pararie et dAludarie.
• Senhor Ramon Roqua, lahorayre, per lescala de Lahor, de Fustarie et Orgarie.
• Senhor Peyre Almoy, pelicie, per lescala de la Pelissarie, Coyratarie, Sabatarie, Fabres, Monies et Peyralies.

Foron Clavaris.

• Senhor Ramon Gilabert, per lescala de Messarie.
• Senhor Bernat Roquacels, per lescala de Mazel.
• Senhor Johan dAsas, per lescala de Lahor.

Feron de talha aquest an, IIII deniers per lb.

Foron levayres de Bans.

• Jacme Mauri, per lescala de Mercadarie.
• Senhor Brenguie Cambavielha, coyratie, per lescala de Pelissarie.

Foron Carrayries.

• Johanneri Gueyraut, per Messarie e Taulas.
• Bernet Laur, jove, per Mercadarie.
• Guilhem Rigaut, per Mazel.
• Guilhem Peyre, coyratie, per Pelicies.

Foron Caritadies.

• Johan Laures, per lescala de Taulas.
• Andrieu de Fontaynas, per Mercadies.
• Gaude Raynaut, per Coyraties.
• Peyre Jorda, mazelie, per Mazel.
• Johan Fabersa, per Lahor.

Lan dessus dig MCCCXC, dimas a XVIII de genoier, venc a Bezes nostre senhor lo Rey de Franssa que venia de Tholosa, et anet prener conget de nostre senhor lo Papa a Avinho, e pueis sen anet a Paris.

Item aquel an sobre dig, et aquela venguda de nostre senhor lo Rey, dernieyra; los senhors Cossols davant ditz, Johan Navas els autres sos companhos, foron per lo Rey desapauzats et amermatz del nombre, soes a saber, que de V Cossols que y avie los tornet a IIII, et en aqui meteis ho fes per tot lo pays de Lenga doc.

E es a saber que los senhors Cossols dessus nominatz se vestiro las raubas de cossolat lo jor de Nadal, e non las porteron sino de Nadal entro lo dimecres a XXI de genoyer, que y intreron los autres senhors Cossols desotz escrigz.

Item lan dessus dig MCCCXC, a XX de genoyer, fes cridar a votz de trompa nostre senhor lo Rey, per totas las vielas, que daqui avan, non aguies per las vielas, sino IIII Cossols; e facha aquesta crida, los senhors Cossols sobreditz que eron davan la crida, van relaxar lo cossolat: quar no sabian qual de totz sinq fos foras, e non faren enjuria de la un a lautre: foron dacort que tot ensemps non y remangues degun de totz sinq.

Pus lo jorn e lan dessus dig, a XX de genoyer, fes far una autra crida en la viela de Bezes, ayssi quant se seq:

"Aujatz que vos fa hom a saber de part lo Rey de Franssa vostre senhor, e vos notiffiqua hom, que lo dig nostre senhor lo Rey de Franssa aven pietat e compacio al poble de son Rialme, a volgut e ordenat per certanas causas, sus aisso la sua gracia moven, que tota persona qualque sia, ni qualquno de Lenga doc, que se sia partit del rialme de Franssa, per talhas mezas el temps passat, o per deutes per els deguts al qualque persona que se sia, juzieu ho Crestia; que puesca retornar en lo pais, estar, demorar, francamen e quitia, e paziblamen, de tot so que zels poyran dever a las dichas talhas, o a crededors: an condicio que els sian a pagar los ditz deutes enfra IIII ans, contadas de la data de las lettras, sus aisso autriadas; cascuns dels ditz IIII ans la quarta partida dels deutes: e que seran tengutz, an prestan caucio, de pagar los deutes aquela que poyran prestar.

An caras may vos fa hom a saber, que lo Rey nostre senhor a ordenat per lo Realme, relevamen de son poble, que dels bes que foron de maystre Johan de Betisac sa entras de Bezes confiscatz al Rey nostre senhor, se guertisca sus lo fag de la hueia dels Engles la somma de XX melia franx.

An caras may vos fa hom a saber que lo Rey nostre senhor, per lo ben del poble et de la causa publica, a hordenat, que lo nombre e la quantitat des Capitols, Cossols, Governados, de cascuna viela de Lengua doc, maior, e pasan lo nombre de quatro, sia apetisat de streg, et remes al dig nombre IIII: los quals Capitols, Cossols ho autres gobernados no se puescon assemblar, ny congregar, ny deguna causa far, sino que lo senescalt, ho viguier, ho jutge de las dichas vielas hy sia present.

Item vol e ordena lo Rey nostre senhor, que totas aydas, carges, messios, presas al temps passat, per los ditz Capitols, Cossols, governados en la dichas vielas, empauzats sus farinas, carns, peys et autras denayradas, o bes, fessen de tot e no sian plus levats, ny los dits capitols, Cossols ho governados no puescan los ditz carges mettre, ny empauzar, ny far culhir, ny levar, daisi enan, sens expres mandamen ho ordenensa del Rey nostre senhor, ho de son cosselh."

Lan dessus dig MCCCXC, divenres a XII de genoier, lo senhor Carles del Templier, mesie Bernat Audran, el senhor Jacquet de Bencyerget, vengueron a la Mayo comuna de las parts de nostre senhor lo Rey de Franssa, per ordenar Cossols novels, an cossentimen de tot lo cosselh de la Mayo comuna;

e foron Cossols novels, soes a saber:

• Senhor Guilhem Cotelie, per Taulas, Cossol.
• Senhor Duran de Guirgols, Mercadie, Cossol.
• Senhor Johan Estaci, Parayre, Cossol.
• Senhor Peyre Brenguie, Lahorayre, Cossol.

Item fouc autriat als ditz senhors Cossols per lo gran cosselh de la mayo comuna, en presencia de mossenhor lo viguier del Rey, que aguesso raubas del cossolat, et feron hoc.

Pus los ditz senhors Cossols se vestiron las raubas dimergue, que fouc lo XIII jorn de febrier.

Item lan dessus dig MCCCXC, dimars a XX del mes de setembre, lo jorn de las assizas; juret los privilegis, las franquezas e libertatz de la viela e vigarie de Bezes, mossen Peyre de Mornay, cavalier, senescalc de Carcassona e de Bezes, et mossen Guilhem del Bruelh, doctor en decretz, jutge mage de Carcassona, en lhostal del Cabiscol mage de la glieya quatedral de mossenhor Sant Nazari de Bezes; prezero ne carta; maystre Bernat Ferrier, notari de Bezes, et maystre Johan Huc, notari de Carcassona.

Ici finit Lo libre de Memorias.