Libre de Memorias/1379

(ca) Font no disponible.
(en) Source is not available.
(es) Fuente no disponible.

......¿? Foron levayres de bans.

Senhor Johan Gordo, per Taulas.
Senhor Frances Barrieyra, per Mazel.
Senhor Jacme Lombes, per Orgies.

Foron Caritadies.

Ramon Cotelie, per Taulas.
Peyre de Badonas, per Mercadies.
Jacme Caucenueiols, per Mazel.
Guilhem Salat, per Orgies.

Foron Carrayries.

Ymbert Aynart, per Taulas.
Ramon Emengau, per Mercadies.
Maystre Bernat Ferrier, per Notaris.
Johan Evesque, per Mesies.

L'an dessus MCCCLXXIX, a XXIIII jorns del mes doctobre, fouc mot grand decencio entre la viela de Monpeylier, els senhors Cosselhiers de mossenhor lo duc d'Ango, soes a saber:

Lo Chancelier del dig mossenhor d'Ango,
Maystre Johan Perdiguie,
Maystre Arnaut del Lac, governador de Monpeylier,
Mossen Gui Lestaria, senescal de Roergue,
Pabina de Gontaut, e motz dautres: e demandavo un franc per fuoc quascun mes, per tot un an; et la dicha viela non y volc cossenti; els ditz comessaris, e los Cosselhiers feron liar los Cossols de la dicha viela de Monpeylier, per menar a Semeyre: el peble vezen tal fag, vay se levar et escomoure en armas, e van les totz aussir, e mezeron los en diverses pozes, foras de la viela: per loqual fach, mossenhor d'Ango ne volc far gran justicia; mays mossenhor lo cardinal d'Albana, frayre que fouc de Papa Urba, venc a Monpeylier, et tractet laPas e la concordia entre lo dig mossenhor d'Ango e la viela de Monpeylier: totas ves lo dig mossenhor d'Ango na una gran somma daur, e foron perdonatz.