Libre de Memorias/1376

← 1375

1376 Libre de Memorias

1377 →

L'an MCCCLXXVI, foron Cossols,

• Senhor Johan Teron, per Taulas.
• Senhor Andrieu Astrebo Jove, per Mercadies.
• Senhor Frances Rog, per Pararies.
• Maystre Ramon Seguie, per Notaris.
• Senhor Johan Fromit, per Coyraties.
• Senhor Bertran Pratz, per Pelicies.
• Senhor Pastre, jove, per Fusties.

Foron Clavaris.

• Senhor Guilhem Cotelie, per Taulas.
• Senhor Johan Estassé, per Pararies.
• Senhor Jacme Boquet, per Fusties.

Foron levayres de Bans.

• Senhor Peyre Genieys, vielh, per Mercadies.
• Maystre Jacme Heynaut, per Notaris.
• Arnaut Fromit, per Coyraties.
• Guilhem Aymoy, per Pelicies.

Foron Carrayries.

• Aymeric Barba, per Taulas.
• Johan de Pradas, per Mercadies.
• Peyre Gorgory, per Coyraties.
• Jacme Vedel, per Fusties.

Foron Caritadies.

• Johan Gorb, per Taulas.
• Peyre Gantaroia, per Mercadies.
• Maystre Ramon Peno, per Notaris.
• Ramon de Puzac, per Pelicies.

Feron de talha aquel an, per denier un franc.

Pus pagueron per saumada de vendemia, mieg gros.

Pus per saumada de vendemia d'una bestia, IIII patatz.

Pus per saumada de careta, VIII patatz.

L'an dessus MCCCLXXVI, a XIIII de setembre, Pap¿? Gregori partit de la ciutat d'Avinho, per anar en Roma dequez despueys en sa, la glieya nil pais non fes son pro, a son ben.

Aquel an dessus dig MCCCLXXVI, fouc mot gran sequada, que lo poble se pessava que non nasques ges de blat dont no se farian mays plorar; et fes hom motz grans processios a Bezes, que aporteron lo Crocefic de la glieya de Sant Felis, et los Cors sans de mossenhor Sant Afrodisi, e fazen la dicha processio, venc tanta de plucia, que tot home fouc ben banhat. Benezettes en sie nostre Senhor Dieu Jh¿? X, e lauzat e grazit ne sie lo sien sant nom.

En aquel an mezeis MCCCLXXVI, se trenquet e se talhe¿? per fortuna dalcunas genz de Bezes, la ribieyra que de la molher de mesie Guilhem de Taurel, que es en la ribieyra dOrp, de sus los molis del Ga de Bezes; de que ne pague la viela de Bezes Vc franx, dont fo gran pecat, quar la viela non mesia mal: e ben fora estat pus razonabla causa que ho aguesso pagat cels que la feron talhar ni rompre.