Libre de Memorias/1336

← 1247

1336 Libre de Memorias

1341 →

L'an MCCCXXXVI foren Cossols

• Mosson Peyre Desmas sant Andrieu . . . . . per Taulas.
• Senhor Bernat Gibeli . . . . . . per Mercadies.
• Maystre Guilhem Danha, notari.
• Senhor Ramon Laurés . . . . . . per Parayres.
• Senhor Johan de sant Andrieu . . . . . . per Sabaties.
• Senhor Peyre Sérinha . . . . . . per Pelicies.
• Senhor Andrieu Galhart . . . . . . per Lahor.

Item l'an sobredich MCCCXXXVI, el XVII jour de genoyer, los sobreditz senhors Cossols van manlevar de mossen Andrieu Frezols filh, que fo saentras de mossen P. Frezols, cavalier del castel de la Veruna VIIe XI liv. VI den. torn. contan los tornes XII d.

Item l'an dessus escrich MCCCXXXVI, dijous; que fo los VIII jour de febrier, à hora de vespres, venc à Bezes lo Rey de Franssa, nostre senhor que avie nom mossen Phelip de Valoys et anava ambel madama la Regina sa molher. Els senhors Cossols de la dicha viela feron li presen de belcop de bela vaissela d'argent. Et feron mantos los ditz senhors Cossols, que degun temps ne fouc vist qu'en portesso davan.

Et van venir am nostre senhor lo Rey sobreditz, so es a saber, lo Rey de Navarra et motz d'autres Dux, Princeps, comtes, baros et tanta de nobleza que non se poyria noumar.