Lei Poni Mōʻī
Mahalo au o ka nani
O kuʻu lei poni mōʻī
Aʻu i honi hoʻomau
I ke ʻala o ia pua
Pau ʻole koʻu hoʻohihi
Ka puaʻi ʻala o ka hanu
Ua noho wale i ka laʻi
A nohea ke ʻike aku
Hui:
Ke ʻala ka i hiki mai
O kuʻu lei poni mōʻī
Noho ʻoe a manaʻo mai
Hoʻi mai kāua e pili
Eia i ane'i ko aloha
Ka liko pua o ka ʻāhihi
Aʻu i kui a lawa i aneʻi
I hoapili no ke aloha
E ake ana au e ʻike
I ke kumu o ke ʻala
A he ʻala kūpaoa
Hanu ʻala i ka poli
|
This work was published before January 1, 1930, and is in the public domain worldwide because the author died at least 100 years ago. |