Le mustela, Aphrodite e le mus

Un mustela se inamora de un belle e juvene homine e implora a Aphrodite de metamorphosar la in femina. Le dea prende su passion in pietate, e face de illa un belle e incantator puera. Assi le juvene homine esseva seducite a prime vista e la prende pro sposa. Quando illos se reposava sur le lecto nuptial, Aphrodite, curiose de saper si le mustela, cambiante de corpore, habeva etiam prendite altere manieras o costumes, lassa un mus in le medio del habitation: Oblidante su condition, le sposa saltava de su lecto e persequeva le mus per devorar lo. Tunc le dea irate le restabli in su ancian natura.

Assi le homines: illes que ha un mal natura pote cambiar de maniera, sed su natura resta immutabile.