Le lé de munt
Le lé de munt.
O le tan amabl y bel licioront!
Te to bel sarënch se ciara le firmamont.
Te to bel azur se vëiga les munts,
se vëiga i crëps con la colma a funz.
Y aries lesieres co sofla morjel,
dagnora te baja y te straiha dër bel;
dagnora te enfrësca da sëra le frunt
con mile odurs les aries de munt.
Dla ega bër i rehli y vicí.
Sora te ia sʼ araita saorí
dal mer les anores dlunʼ se nainenn
y dlunʼ sʼ acanenn y dlunʼ barbotenn.
Dampró da te tö mo tires, o le,
gonot, por mʼ orëi dër bel consolé!
Oo, fosseste almanco na ota pö bun
da i tó a mio cör le gran encorsciomun.