La spies
La spies
N paur ie jit cun si pitl fi Tobia sun si ciamp a udëi, sce la blava ie prëst madura.
L pitl à damandà: "Pere, da ulà vëniel pa che valgun strames ie stortes ju per tiera, ma autri tën l cë suvier ? Chisc muessa bën vester de drë gran seniëures, y i autri, che se plea tan bas dant ëi, ie segur plu stlec".
L pere à zarà via n per de spies y à dit: "Cëla, chësta spia tlo, che se pliova umilmënter, ie plëina di plu biei graniei; ma chësta, che se derzova su tan superbamënter, ie duta ueta.
Chi che porta l cë tan drët,
ie n puere maladët.