La bregostana e la veia Cinch
La bregostana e la veia Cinch
Na domenia che duc era a messa grana, se à desmentià la veia Cinch de serar l'usc de majon. Na bregostana à osservà chist e la é jita ite te ciasa da fech e ge disc a sta veia: "L'é n pez che son jajuna, ma ades te magne te." La veia la disc: "Tu pes ben magnarme, ma no ades sobit, parché é amò da far su mìngol de stroc; ndana porteme dal festil doi calzedrìe de aga, dapò tu me pes ben magnar, scì."
pagina:201 Ma nveze de ge dar doi calzedrìe, la ge à dat doi cianestres. La bregostana va dal brenz, ma se sà, chisc doi cianestres no vegnìa mai piegn. La veia furba à serà ntant l'usc e la bregostana no podea più ite. Sora n pez l'é ruà la jent da messa e la bregostana à cognù sciampar, senó i la aessa mazada.