La Marmoledes
da Proverbi, tradizioni e anneddoti delle valli ladine orientali
La Marmolèda.
Tel comun de Cianacei su la mont de Fedaa da la pèrt de mesdì é la renomèda Marmolèdes. Ai tempes olache ades é la Marmolèdes na outa era pra. Ai cinch de aost é sègra a Gries, che l'é la Madona da la Neif, e come festa de voto duta la jent vegn jù de la mont per jir in procescion a Gries e scutèr messa. Sui pré che l'é ades la Marmolèdes era una fémena che aea amò da restelèr fegn, e canche l'à vedù che l se snìgola inveze de vegnir a festa l'à stat a restelèr so fegn, e fenì che l'à abù de meter l fegn te tobià, à scomenzà a neiver e la disc: "Madona da la Neif in ca, l'é bon che é mi fegn te tobià." Ma ela à stat ló enfin che l nevea e l'é vegnù net, e en chela net l'à fat tanta neif che la é restèda sepolida sot la neif, e no l'é mai più vegnù teren, e coscì à scomenzà la Marmolèdes.