La Catertempora
La Catertempora
N sartor da Vich l'era stat sa Valongia a cojir. Dò che l'à lascià vea l'é vegnù n ju. Canche l'é stat sun col de le vivane l'à sentù n gran revedoz, che vegnìa n su e l se à tirà tedò n ciuscon. L'era la catertempora che rabìa ntorn. Canche la é stata aló la se à fermà e la disc:
"Cogne jir cavìa a mpiantar chist manarin vin chist ciuch, che canche vegne de retorn me l tolaré."
E la é jita via e la ge l'à mpiantà sun n jeneie e l'à dit:
"Stà chiò an e dì, che chiamaré."
Chist om no l'era piu bon da varir da la ferida, fin che dò l consei de na veia no l'é jit dò an e dì aló. Canche l'é stat fora l temp l'é passà la catertempora la se à tout l manarin e la ge à dat na man sun jeneie e l'à dit:
"Vàtene n sènta pasc."