L maitin di morc a Sènt'Uliana
L maitin di morc a Sènt'Uliana
I morc i fasc l maitín jà da le undesc de not. I vegn fora da le fosse e i va sa Sènt'Uliana a festificar. Chi che li vel veder, i cogn esser da chel'ora dant la resa grana de chela gejia. Mo l'é pericolous, ve! Ve conte coche la ge é jita a na curiousa.
Amò dant da le undesc la era dant la porta per veder, che che suzet. No l'à durà trop, che l'é passà sù l prum mort e dò n'é vegnù semper de più. Ntra de chisc l'era ence si àmeda, che no l'era n pez che la era morta. La ge à dit, che la se n vae più prest che l'é possìbol, e che inant de se n jir la trae demez valch massarìa. L'à fat coche si àmeda à dit. L'à trat na peza da sen su na fossa e la é sciampada duta spaventada te majon del monech.
L dì dò la é jita te cortina e l'à vedù la peza da sen sbregada (zarada) sù n mile frujie. Se no la fossa sciampada, i l'aessa, i morc, sbregada ence ela.